I bob. Fermer xo‘jaliklari raqobatbardoshligini oshirishning nazariy va uslubiy asoslari

II BOB. FERMER XO‘JALIKLARINING RAQOBATBARDOSHLIK VA RIVOJLANISH DARAJASINING HOZIRGI HOLATI


2.1. Fermer xo‘jaliklari raqobatbardoshlik darajasining hozirgi holati

Mustaqillikdan keyingi davrda O‘zbekiston iqtisodiyotining agrar sohasini bozor munosabatlarini joriy qilish asosida tubdan isloh etish natijasida turli mulkchilik negizida samarali faoliyat yurituvchi qishloq xo‘jalik tovar mahsulotlari ishlab chiqaruvchi sub’ektlar va yangi mulkiy munosabatlarning shakllanishiga mustahkam asos yaratildi. Ularni maqsadli va manzilli amalga oshirish bosqich va chora-tadbirlari, jumladan, agrar tarmoqda o‘zining yuksak samarasini bermoqda. Ayniqsa, qishloq xo‘jaligidagi mulkchilik munosabatlari, mahsulot ishlab chiqarish, iqtisodiy munosabatlarning keskin o‘zgarishi sababli dehqonning ishlab chiqarishga va mulkka egalik hissi yanada ortib bormoqda.

Qishloq xo‘jaligi ishlab chiqarish jarayonini tashkil etish yo‘nalishida faoliyat ko‘rsatayotgan sub’ektlar orasidan fermer xo‘jaliklari o‘zining bir qancha afzallik tomonlarini ko‘rsatdi. Bozor munosabatlari sharoitida qishloq xo‘jalik mahsulotlari etishtirishni ko‘paytirish va uning samaradorligini oshirishdagi afzalliklarini inobatga olib O‘zbekiston Respublikasi Prezidentining 2003 yil 24 martdagi «Qishloq xo‘jaligida islohotlarni chuqurlashtirishning asosiy yo‘nalishlari to‘g‘risida»gi PF-3226-son Farmonida fermer xo‘jaliklarining iqtisodiyotdagi o‘rni va rolini yanada oshirishga qaratilgan ularni rivojlantirish konsepsiyasi ishlab chiqildi. Fermerlik harakatini rivojlantirish bilan bog‘liq tarkibiy-tashkiliy chora-tadbir va ustuvor vazifalarni amalga oshirish jarayonlarini yanada jonlantirish, shuningdek, fermer xo‘jaliklari faoliyatida agrar resurslardan, ayniqsa, zamonaviy texnika va texnologiyalardan foydalanish samaradorligini yuksaltirish uchun Respublika Prezidentining 2008 yil 6 oktyabrida № 3077-sonli «Fermer xo‘jaliklari tasarrufidagi er uchastkalarini maqbullashtirish chora-tadbirlari bo‘yicha takliflar ishlab chiqish maqsadida maxsus komissiyani tashkil qilish to‘g‘risida»gi Farmoyishi qabul qilindi.
3-jadval