Iaasb general Template (Portrait)

Кучга кириш санаси

5. Ушбу АХС 2009 йилнинг 15 декабридан ёки ушбу санадан кейин бошланадиган даврлар учун молиявий ҳисоботлар аудитига нисбатан кучга киради.

Мақсади

6. Аудиторнинг мақсади молиявий ҳисоботларни тақдим этиш учун қўлланиладиган асос нуқтаи назаридан қуйидагилар хусусида етарлича тегишли аудиторлик далилларини олишдан иборат:
(a) молиявий ҳисоботларда тан олинган ёки очиб берилган ҳисоблаб чиқилган баҳолар, шу жумладан ҳаққоний қиймат бўйича ҳисоблаб чиқилган баҳолар асосланганлиги; ва
(б) молиявий ҳисоботларда ҳисоблаб чиқилган баҳолар билан боғлиқ очиб берилган маълумотлар адекватлиги.

Таърифлар

7. Аудитнинг халқаро стандартларида (АХСда) қўлланиладиган атамалар қуйида кўрсатилган маъноларга эга:
(a) Ҳисоблаб чиқилган баҳо – Аниқ хисоблаш имконияти бўлмаган ҳолда пул ифодасидаги миқдорнинг тахминий қийматини аниқлаш тушунилади. Ушбу атама баҳолашда ноаниқлик бўлган ҳолда ҳаққоний қиймат бўйича баҳоланадиган суммага нисбатан ҳамда баҳолашни талаб қиладиган бошқа суммаларга нисбатан қўлланилади. Ушбу АХСда фақат ҳаққоний қиймат бўйича баҳолашни назарда тутадиган ҳисоблаб чиқилган баҳолар тўғрисида сўз юритилганида, “ҳаққоний қиймат бўйича ҳисоблаб чиқилган баҳолар” атамаси қўлланилади.
(б) Аудитор томонидан қатъий баҳолаш ёки аудиторнинг диапазони – Раҳбарият томонидан қатъий баҳолашга баҳо беришда фойдаланиш мақсадида аудиторлик далиллари асосида аниқланадиган сумма ёки тегишлича суммалар оралиғи.
(в) Баҳолашнинг ноаниқлиги – Ҳисоблаб чиқилган баҳони ва у билан боғлиқ бўлган очиб кўрсатиладиган маълумотни баҳолашда етарли даражада аниқлик бўлмаслиги.
(г) Раҳбариятнинг нохолислиги — Маълумот тайёрлашда раҳбариятда бетарафликнинг етишмаслиги (мавжуд эмаслиги).
(д) Раҳбарият томонидан танланган қатъий баҳо —Раҳбарият томонидан молиявий ҳисоботларда тан олиш ёки очиб бериш мақсадида ҳисоблаб чиқилган баҳо сифатида танланган қиймат.
(е) Ҳисоблаб чиқилган баҳо натижаси— Ҳисоблаб чиқилган баҳо учун асос бўлган операция(лар), ҳодиса(лар) ёки вазиятларнинг ҳал этилиши натижасида юзага келган, пулда ифодаланган ҳақиқий қиймат.