Iii guruhning p-elementlari

Galliy(III), indiy(III) va talliy(III) birikmalari. Ga, In va Tl larning kislorod bilan ta'sirlashishi natijasida oq Ga₂O₃ va sariq In₂O₃ hosil bo‘ladi. Tl₂O₃ esa hosil bo‘lgan Tl₂O ni ozon bilan oksidlab olinadi. 100^oC dan yuqorida esa Tl₂O₃ kislorodni yo‘qotadi:
4Ga + 3O₂ → 2Ga₂O₃,
4Tl + O₂ → 2Tl₂O,
Tl₂O + 2O₃ → Tl₂O₃ + 2O₂.
Ga₂O₃–In₂O₃–Tl₂O₃ qatorida oksidlarning asoslik xossasi ortib boradi va kislotalar bilan ta'sirlashishi kuchayadi:
E₂O₃ + 6HCl → ECl₃ + 3H₂O.
E(OH)₃ gidroksidlari Al(OH)₃ ga o‘xshash bo‘lib, Ga(OH)₃ (oq rangli) da asoslik va kislotalik xossalari teng darajada namoyon bo‘ladi. In(OH)₃ (oq rangli) asoslik xossa kuchliroq bo‘lsa, Tl(OH)₃ (qizil-qo‘ng‘ir rangli) deyarli asos xossasiga ega.
Ga(III), In(III) va Tl(III) birikmalari eritmalardan EHal₃·6H₂O, KE(SO₄)₂·12H₂O (kvastslar) holatida kristallogidlatlar hosil qiladi. Ga va In larning +3 oksidlanish darajali birikmalari alyuminiy birikmalariga o‘xshash xossalarni namoyon qiladi.
Ga(OH)₃ Al(OH)₃ singari ishqorlarda eriydi:
Ga(OH)₃ + 3OH^– → [Ga(OH)₆]^3–.
Galliy analoglarining galogenidlari alyuminiy galogenidlarini eslatadi. Galliy va indiy gidridlari EH₃ AlH₃ ga o‘xshab polimer holatida.
Yuqoridagilardan tashqari talliy uchun +1 oksidlanish darajasidagi birikmalari nisbatan barqarordir.
Talliy(I) oksid – Tl₂O qora tusli (t_suyuq=300^oC) suvda yaxshi eriydigan modda:
Tl₂O + H₂O → 2TlOH.
TlOH sariq rangli kuchli asos, lekin NaOH va RbOH dan farqli ravishda qizdirilganda oson parchalanadi:
2TlOH Tl₂O + H₂O.
Talliy(I) birikmalari kumush birikmalari singari yorug‘lik ta'sirida parchalanadi. Galliy, indiy va talliy birikmalari zaharlidir.