Iii. Xulosa va takliflar. Xulosa

III.Xulosa va takliflar.


Xulosa
Pedagogik amaliyot haqida xulosam shuki, o‘rgangan bilim va
ko‘nikmalarni amaliyotda sinamasdan biror kasb egasi bo‘lish qiyin. Bunday tajriba
oshirish uchun yillar davomida harakat qilinar ekan. Buning uchun esa 4 yil o‘qishning o‘zi kamlik qiladi. Bo`lajak pedagog xodim uchun eng kerakli narsa o`quv jarayonini nazorat qila olish. Bunda bizga eng kerakli xislatlar mutaxassislik fanlarimizning
barchasi hamda psixologiya, nutq madaniyati, metodika kabi fanlarni mukammal
bilishni taqazo etadi.
Amaliyotim davrida boshlang’ich sinf o’qituvchilari bilan muntazam ish olib
bordim va maktab ichki tartib-qoidalari bilan tanishdim va o’rgandim.
O’qituvchilarning dars o’tish jarayonlarini kuzatdim va dars jarayoni uchun kerak
bo’ladigan turli o’qitish metodlari, yangi pedagogik texnalogiyalarning dars davomida qo’llanilishini, shu bilan birga, noan’anaviy o’qitish uslublaridan foydalanishni va eng asosiysi pedagog sifatida o’quvchi bilan to’g’ri va samarali aloqa o’rnatishni
kuzatdim va o’rgandim. Boshlang’ich sinf o’qituvchilari yordamida dars rejasini tuzishni, darslar uchun mustaqil ravishda konspekt yozishni, foydalanishni, darsni to’g’ri tashkillashtirish, mavzuga mos bo’lgan materiallar, ko’rgazmali qurollar, tarqatma
materiallar mashqlar, mavzularga mos keladigan o’yinlar tayyorlashni, barcha o’quvchilar bilan birdek ishlashni, darsga jalb qila olishni, o’quvchilarni rag’batlashni, vaqt taqsimotini to’g’ri tashkil etishni o’rgandim va o’zim ham mustaqil ravishda
o’quvchilarga dars o’tdim. Bunda menga o’qituvchilardan o’zlashtirgan bilimlarim
samara berdi. Amaliyotim mobaynida bir qancha ochiq darslarni kuzatdim va ularni
qanday tashkillashni, nimalarga ko’piroq e'tiborli bo’lish kerakligini, qanday usullar orqali ochiq darslarni qiziqarli va samarali tashkil etishni o’rgandim. Shu bilan birga maktabdagi jamoat ishlarida ham faol ishtirok etishga harakat qildim. Sinflarda o’tkaziladigan ma’naviyat soatlarida muntazam qatnashdim. Ma’naviyat soatlarini olib borishni kuzatish jarayonida guruh rahbari ish rejasi asosida ma’naviy -ma’rifiy ishlarni
amalga oshirishni o’rgandim. Davomati va o’zlashtirishi past o’quvchilar bilan ish
olib borishni, ularga ko’maklashishni o’zlashtirdim. Bunda menga sinf rahbarlarning
yo’l-yo’riqlari yordam berdi. Shuningdek, amaliyotim davomida bo’lib o’tkan bir
nechta tadbirlarda ishtirok etdim va ularni tashkillash jarayonida o’qituvchilarimga
yordam berdim. O’zim ham mustaqil tarzda tadbir o’tkazdim. Bunda, albatta,
maktabdagi ustozlar va o’quvchilarning yordamlari katta madad bo’ldi.
Ishonamanki, ushbu amaliyot davrida o’rgangan va keyingi bosqichlarda o’rganadigan bilim va tajribalarim menga kelajakda ish faoliyatimda va albatta yetuk malakali mutaxassis bo’lib yetishishimda katta yordam beradi.
Mening fikrimcha, Oliy ta’limni bitirib maktab ostonasiga ilk qadam qo`yayotgan o`qituvchi uchun ikki oylik pedagogik amaliyot kamlik qilarkan.

AMALIYOTCHI TALABAGA TAVSIFNOMA

Termiz davlat Pedagogika instituti Sirtqi bo’lim 4-bosqich Boshlang’ich ta’lim va sport tarbiyaviy ishi yo’nalishi 19-04-guruh talabasi Choriyeva Valida Abdug‘ani qiziga
TAVSIFNOMA


Choriyeva Valida Abdug’ani qizi pedagogik amaliyotni o’tash davrida o’zining intizomi bilan boshqa talabalardan ajralib turdi. Dars mashg’ulotlarini tashkillashda Boshlang’ich ta’lim o’qituvchisi. Jovliyeva Sadoqatga astoydil ko’makchi bo’lib, o’zining nazariy bilimlarini amaliyotda qo’llashi bo’yicha tirishqoqlik bilan faoliyat olib bordi.
O’qituvchilardan dars o’tish metodlarini yaxshi o’zlashtirib, o’zi ham mustaqil tarzda darslarni o’tkazdi, muntazam mashg’ulotlar olib bordi.
Darsdan tashqari paytlarda past o’zlashtiruvchi o’quvchilar bilan qo’shimcha mashg’ulot olib bordi. Sinf bilan ishlashda jamoa topshiriqlarini bajarishda, o’quvchilar bilimini oshirish yo’nalishida yaxshi natijalarga erishib amaliyot davrini o’tadi. Kelajakda Choriyeva Valida malakali pedagog kadr bo’lib etishishiga ishonamiz.


Maktab direktori: Djumayeva Mohidil





TERMIZ DAVLAT PEDAGOGIKA INSTITUTI SIRTQI BO’LIM 4-BOSQICH BOSHLANG’ICH TA’LIM VA SPORT TARBIYAVIY ISHI YO’NALISHI 19-04-GURUH TALABASI CHORIYEVA VALIDANING O‘ZBEKISTON RESPUBLIKASI XALQ TA’LIMI VAZIRLIGI SURXONDARYO VILOYATI XALQ TA’LIMI BO‘LIMIGA QARASHLI TERMIZ SHAHAR 2-SONLI UMUMIY O‘RTA TA’LIM MAKTABINING 2 -“A” SINIFI O‘QUVCHILARI BILAN MATEMATIKA FANIDAN “YOZUVNI KIM IXTIRO QILGAN” MAVZUSIDAGI BIR SOATLIK

OCHIQ DARS ISHLANMASI

TERMIZ DAVLAT PEDAGOGIKA INSTITUTI SIRTQI BO’LIM 4-BOSQICH BOSHLANG’ICH TA’LIM VA SPORT TARBIYAVIY ISHI YO’NALISHI 19-04-GURUH TALABASI CHORIYEVA VALIDANING O‘ZBEKISTON RESPUBLIKASI XALQ TA’LIMI VAZIRLIGI SURXONDARYO VILOYATI XALQ TA’LIMI BO‘LIMIGA QARASHLI TERMIZ SHAHAR 2-SONLI UMUMIY O‘RTA TA’LIM MAKTABINING 2 -“A” SINIFI O‘QUVCHILARI BILAN TABIIY FANIDAN “ENERGIYA. ISSIQLIK VA YORUG‘LIK. TOVUSH” MAVZUSIDAGI BIR SOATLIK

OCHIQ DARS ISHLANMASI

AMIR TEMUR TAVALLUDINING
687 YILLIGIGA BAG‘ISHLANGAN TADBIRI