Ikkinchi bisqich nasos stansiyalarini loyihalash

Ishchi nasos agregatlarining soni loyihalashtirilayotgan nasos stansiyalari texnik-iqtisodiy hisob-kitoblar asosida optimallashtirilib, ular investitsiya xarajatlari, shu jumladan kompleks avtomatlashtirish va energiya samaradorlikni ta’minlash chora-tadbirlari xarajatlari, shuningdek operatsion xarajatlarni (elektr energiyasiga, tarmoqlarga xizmat ko‘rsatish va b.) baholashni o‘z ichiga oladi.

Nasos stansiyalaridagi ishchi nasos agregatlarining minimal soni KMK 2.04.02-97 bilan tartiblashtirilgan:

Nasos stansiyalaridagi ishchi nasos agregatlarining minimal soni KMK 2.04.02-97 bilan tartiblashtirilgan:

— I ishonchlilik toifasiga ega bo‘lgan nasos stansiyalarida — ikkita nasos agregati, shu jumladan o‘t o‘chirish nasos agregatlari ham;

— II va III ishonchlilik toifasiga ega bo‘lgan nasos stansiyalarida — bitta nasos agregati.

Agar suvni turli iste’mol hajmiga, sutka soatlari bo‘yicha suv iste’mol qilish grafiklari, suv damiga turlicha talablari har xil bo‘lgan iste’molchilarga uzatilishini tashkillashtirish talab etilsa, yoki nasos agregatlarining ishchi parametrlariga ta’sir qiladigan boshqa farqlar mavjud bo‘lsa, u holda nasos stansiyasida har bir iste’molchiga yoki bir xil tipdagi iste’molchilar guruhiga suv uzatish uchun alohida nasos agregatlari yoki bir necha nasos agregatlaridan iborat nasoslar guruhi o‘rnatiladi. Nasos agregatlarini tanlashda har bir suv iste’molchisining yoki bir necha bir xil tipdagi iste’molchining individual xususiyatlari e’tiborga olinadi.

Bir necha guruh nasos agregatlari bo‘lgan nasos stansiyasini loyihalashtirishda KMK 2.04.02-97 talablari hisobga olinadi:

Bir necha guruh nasos agregatlari bo‘lgan nasos stansiyasini loyihalashtirishda KMK 2.04.02-97 talablari hisobga olinadi:

— xo‘jalik-ichimlik maqsadlari uchun suv uzatadigan nasos stansiyalarida, o‘tkir hidli va zaharli suyuqlik muhitlarini haydaydigan nasos agregatlarini o‘rnatish taqiqlanadi, o‘t o‘chirish tizimiga ko‘pik hosil qiluvchi aralashma uzatadigan nasoslar bundan mustasno;