Induktiv juwaq shıǵarıw

Tolıq indukciya dep klasstıń jeke predmeti haqqındaǵı bilimnen klasstıń hámme predmetleri haqqındaǵı bilimge ótiwshi oy juwmaǵına aytamız. Yamasa, belgili klasstıń, qubılıslardıń hár birinde belginiń qaytalanıwı tiykarında bul belginiń qubılıslardıń hámme klasslarına tiyisliligi haqqındaǵı juwmaqqa iye bolıwshı oy juwmaǵına aytamız.
Tolıq indukciyanıń sxeması:
Tiykarlar; S₁ Pǵa iye
S₂ Pǵa iye
S_n Pǵa iye
S_1, S_2,.. S_n K klasın beredi.
____________________________________
Juwmaq: Knıń hár bir elementi Pǵa iye.
Tolıq emes indukciya dep klastıń ayırım predmeti haqqındaǵı bilimnen klastıń barlıq predmetleri haqqındaǵı bilimge ótiwdi támiyinleytuǵın oy juwmaǵına aytamız. Yamasa belgili klastıń ayırım qubılıslarında belginiń qaytalanıwınıń tiykarında bul belginiń qubılısılardıń barlıq klasına tiyisli ekenligin támiyinlewshi oy juwmaǵına aytamız.
Tolıq emes indukciyanıń sxeması:
Tiykarlar: S₁ Pǵa iye
S₂ Pǵa iye
S_n Pǵa iye
S_1, S_2,.. S_n Kǵa tiyisli
___________________________________
Juwmaq Knıń hámme elementleri Pǵa iye.
Tolıq emes indukciyanıń eki túri bar: birinshisi, populyarlıq indukciya yamasa sanaw járdeminde indukciya dep ataladı. Ekinshisi, ilimiy (eliminativlik) indukciya yamasa shıǵarıp taslaw jolı menen iske asırılatuǵın indukciya dep ataladı. Populyarlıq indukciya (enumerativlik) dep ilimiy metodologiyada qollanılmaytuǵın tolıq emes indukciyaǵa aytamız. Bul indukciyada múmkinshiligi barınsha kóp predmetlerdi izertlew hám izertlew ushın predmetlerdi hár qıylı tańlaw jolı menen qollanıw esapqa alınadı. Mısalı, studentlerdiń anaw yamasa mınaw temanı ózlestiriw dárejesin biliw ushın múmkinshiligi barınsha hár qıylı kategoriyadaǵı kóp studentlerdi sorastırıw kerek. bunday opros juwmaqtıń durıslıqqa jaqınlaw dárejesin arttıradı.
Tolıq emes indukciyanıń ekinshi túri ilimiy indukciya dep ataladı. Onıń eki tipi bar. Birinshisi, tosınnan bolatuǵın ulıwmalastırıwdı shıǵarıp taslawshı jaǵdaylardı tańlaw járdeminde iske asırılatuǵın indukciya yamasa tańlaw járdemindegi indukciya dep ataladı. Ekinshisi, predmetlerdegi qanday da bir individuallıq belgilerdi esapqa almaǵan halda predmetlerge belgili qásiyetlerdiń tiyisli ekenligin belgilewshi indukciya yamasa ulıwma tiykarlanǵan haldaǵı indukciya dep ataladı.
Ilimiy indukciyanıń uqsaslıq, ayırmashılıq, uqsaslıq hám ayırmashılıqtıń birlesken metodı, jolshıbay ózgerisler metodı, qaldıqlar metodı sıyaqlı bes metodın bólip kórsetiwge boladı. Hár bir metodtıń sxeması tómendegishe túrge iye:

1. 
   Uqsaslıq metodı
   

1. ABS – d keltiredi
2. MFB – d keltiredi
3. MBS – d keltiredi
_________________________________
Shaması, B d nıń sebebi bolıwı múmkin

2.