Informatika va axborot texnologiyalari fanidan glossariy

Gateway -Protokollar o‘zgartgichi- шлюз. To‘g‘ridan-to‘g‘ri birga ishlayolmaydigan turli tarmoqlar orasiga ulanadigan maxsus dasturiy ta’minlangan tugun. U tizimlarning birgalikdagi ishlashini ta’minlash uchun ma’lumotlar va protokollarni moslab o‘girib beradi.

Gopher – Rarash va izlash protokoli (dasturi). Internetda axborot manbalarini topish va olish uchun interaktiv qobiq. Foydalanuvchining Gopher tuguni bilan muloqoti undan olinadigan menyudan keragini tanlash asosiga ko‘rilgan.

Hub - xab . Uch va undan ko‘p tugunli tarmoq elementlarini juft o‘rama sim (ruscha, vitaya para) orqali ulash elementi bo‘lib, turli uzatish muhitlarining topologik, funksional va tezlik imkoniyatlarini kengaytirish uchun qo‘llaniladi. Oddiy xablar ko‘p portli takrorlovchilar bo‘lib, ularning portiga alohida tugunni ham boshqa xabni ham ulash mumkin. Turli portlar majmualariga ega bo‘lgan xablar turli kabel tizimlariga ega bo‘lgan tarmoq bo‘lak(segment)larini birlashtirish imkonini beradilar.