Informatsion sistemalar

Virtual xaqqoniylik deganda, mavjud kompyuter texnologiyalari yordamida ekranda real ob’ektlar va jarayonlarning ( odamlar, musiqa asboblari, badiiy asarlar, samolyotlar va boshqalar) obrazini yaratishni tushunamiz.

Mazkur shakllar ob’ekt yoki jarayonlarning fotosurati emas-ularning belgilangan ko‘rsatma va buyruqlar yordamida xarakatga keltirish-bir holatdan boshqa holatga o‘tkazish mumkin, ular bilan haqiqiy ob’ektlar kabi «muomala» qilishimiz mumkin. Masalan, pianino shaklida biror musiqa ijro etishimiz; kimyoviy uskunalar yordamida kimyoviy reaksiyalar o‘tkazish mumkin.

Shunday qilib, hayotimizga kirib kelayotgan kiberfazo va vertual xaqqoniylik tushunchalari bizni dunyoning barcha informatsion manbalaridagi axborot, ma’lumotlar bilan tanishish imkoniyatini yaratmoqda.

Savollar

1. 
   J
   ?
   ahon axborot sistemasini yaratishning zarurati nimada deb o‘ylaysiz?
   
2. 
   Bugungi kunda qo‘llanilayotgan umumjahon axborot sistemasi qanday nomlanadi?
   
3. 
   Internet tizimida ishlayotgan foydalanuvchi qanday imkoniyatlarga ega bo‘ladi?
   
4. 
   Virtual xaqqoniylik deganda nimani tushunasiz? Javobingizni misollar bilan izohlang.
   

5-§. «Mijoz-server» texnologiyasi

Biz yuqorida kompyuter texnologiyasining ko‘p jabhalarini o‘rgandik. Go‘yo bizga boshqa imkoniyatlar kerak emasdek. Haqiqatdan ham dastlab cho‘tda yoki arifmometrda hisoblaganimizda, mashinkada materiallarni chop etganimizda, ulardan ko‘nglimiz to‘q edi. Keyin DOS Norton Commander bilan kompyuterlar hayotimizga kirib keldi. Ammo biz shu darajada to‘xtab qolmadik- biz Windowsni yaratdik. Alohida (individual) kompyuterning o‘zi endi bizga kamlik qilib qoldi. Biz tarmoqli informatsion tizim yaratish yo‘lidamiz.

Bu kabi tizimni uchta asosiy elementlar:
- texnik vositalar;
- tarmoq operasion sistemasi;
- amaliy dasturlar majmui
tashkil yetadi.
Texnik vositalar majmuini serverlar, mijozning ishchi stansiyalari, kommutasion aloqa vositalari tashkil etadi.