Inson mehnat faoliyatiga ta’sir etuvchi omillar

Ҳаёт фаолияти хавфсизлиги фанининг асосий вазифалари:
Хавфларнинг идентификациясини ўрганиш. Бунда инсон фаолияти жараёнида юзага келадиган хавфларнинг келиб чиқиш сабабларини, унинг хусусиятларини ва кўнгилсиз оқибатларини ўрганиш.
Ишлаб чиқариш жараёнларида ва хизмат кўрсатиш соҳаларида хавфсиз меҳнат шароитларини яратишга қаратилган чора-тадбирларни ўрганиш.
Ишлаб чиқариш жараёнларида касб касалликларини камайтирадиган услубиятларни ишлаб чиқиш.
Фуқароларни турли хавфлардан, табиий офат, авария ва ҳалокатлардан ҳимояланиш усулларига ўргатиш.
Меҳнат жараёнларида бахтсиз ҳодисаларнинг олдини олиш чора- тадбирларини ўрганиш.
Табиий, техноген ва экологик шикастланиш ўчоқларидаги фуқароларни қутқариш ва тиклаш ишларини ўтказиш.
Жароҳатланган инсонларга биринчи тиббий ёрдам кўрсатишни ўргатиш.

Хавф-хатар тушунчаси

Хавф-хатар — одамлар ҳаёти ва соғлиғига, ҳаёт фаолиятига тахдид, моддий ва атроф-мухитга етказилиши мумкин бўлган зарар.
Мутлоқ хавфсиз бўлган иш (фаолият) бўлиши мумкин эмас. Демак, ҳар қандай фаолият бўлмасин - унда яширин хавф бўлади.
Ҳар қанақа хавф ўзида инсон ҳаёт фаолиятини издан чиқарувчи энергияга эга.

Хавфларнинг турлари:

Келиб чиқиш табиатига кўра: табиий, техноген, антропоген (инсон билан боғлиқ) ва экологик.

Таъсир хусусиятига кўра: физикавий, кимёвий, биологик, термик ва психофизиологик.
Олиб келувчи оқибатига кўра: толиқиш, касалланиш, жароҳатланиш, ҳалокат, ёнғин, нурланиш, куйиш ва бошқалар.

Келтирувчи зарарига кўра: ижтимоий, иқтисодий, техник, сиёсий.

Келиб чиқиш соҳасига кўра: турмушда, спортда, транспортда, ишлаб чиқариш, уруш ёки табиий офат натижасида юзага келадиган хавфлар.

Инсонга таъсир қилиш даражасига қараб: фаол (актив) ва суст (пассив).