Internet saytlari boshqaruvining zamonaviy

Keywords:
Internet marketing, web analytics, Verizon Media, advertising, site 
cover, Tengrinews.kz, inform.kz 
KIRISH 
Zamonaviy hayotni qidiruv tizimlari, ijtimoiy tarmoqlar, onlayn xizmatlarsiz 
tasavvur qilish qiyin. Internet marketingi bu tovar va xizmatlarni onlayn targ‘ib 
qilishdir. Odatda, uning yakuniy maqsadi mahsulot/xizmatni sotish yoki 
kompaniyaning xabardorligini oshirishdir. Uning klassik marketingdan asosiy farqi - 
bu veb-analitikadan obunachining butun sayohatini kuzatish uchun foydalanish 
qobiliyatidir: birinchi o‘zaro ta’sirdan to mahsulot yoki xizmatni sotishgacha. Bundan 
tashqari, onlayn marketing har bir alohida foydalanuvchini maqsadli ravishda 
yo‘naltirishga imkon beradi. Shuning uchun ham bugun bu formatdagi xizmatlarning 
istemolchilari ko‘p. 

---

Oriental Renaissance: Innovative, 
educational, natural and social sciences 
 
VOLUME 1 | ISSUE 4 
ISSN 2181-1784 
Scientific Journal Impact Factor SJIF 2021: 5.423 
1372 
w
www.oriens.uz
May
2021
 
 
Shu nuqtai nazardan internet sayti tahririyatlarida iqtisodiy boshqaruv 
mablag‘larni doiraviy aylanishiga erishish, saytning daromad va harajatlarini 
hisoblash, marketing xizmatini uyushtirish, foyda olishni ta’minlashni ko‘zda tutadi. 
Ijodiy boshqaruv xodimlarni vazifalarni taqsimlab, ijodiy jarayonni tashkil etish, 
moddiy va ma’naviy jihatdan rag‘batlantirish, ijodiy jamoani harakatga keltirishdan 
iborat bo‘ladi. 
Tashkiliy-texnik boshqaruv esa ishlab chiqarishni tashkil qilish, o‘zaro 
aloqalarni o‘rnatish, boshqarishning aniq uslubini tanlab, qaror qabul qilishda aniq 
tizimda ishlashni nazarda tutadi.
ADABIYOTLAR TAHLILI VA METOD 
Sayt boshqaruvidagi asosiy narsa sayt yuzidir. Ko‘p odamlar, mahsulot sotib 
olishdan yoki xizmatga buyurtma berishdan oldin, tovar haqida to‘liqroq taassurot 
qoldirish uchun saytlardagi sharhlar va fotosuratlarni qidirishadi. Har qanday 
saytning faol bo‘lishi ishonchni oshiradi. Auditoriya uchun qiziqarli va foydali 
tarkibning shakllantirilishi esa doimiy kuzatuvchilar jamoasiga ega bo‘lishda qo‘l 
keladi. Albatta, bu format ommabop, ammo raqobat ham kuchli. Faqat chiroyli veb-
sayt yaratish, so‘nggi yangiliklarni ulashish, shov-shuvli habarlarni muntazam 
yangilash, uni tovar bilan to‘ldirishning o‘zi yetarli emas. Shuning uchun internet 
saytlari kontent marketingiga alohida e’tibor qaratishi kerak.
Demak onlayn platformada ish yuritish, tashkil etishning ham ma’lum bosqichi 
va talablari mavjud. Natijalarni samarali qilish uchun esa, avvalo, mavjud tajribalar 
o‘rganilishi kerak. 
Quyida 2020 yil avgust oyi natijalariga ko‘ra AQShning eng ko‘p trafikka ega 
yangiliklar saytlarining TOP o‘ntaligi ko‘rsatilgan.
Bir oylik tashrif buyuruvchilar soni millionlardda ko‘rsatilgan* 
Reytingda birinchi o‘rinni 
https://news.yahoo.com/
 sayti egallagan. Bugun bu saytga 
“Verizon Media” koorporatsiyasi egalik qiladi. Verizon Medianing Yahoo Newsdan 
tashqari yana bir media biznes shug‘ullanuvchi loyihalari bor. News veb-sayti esa 4 
ta (Sports, Finance, Entertainment, News) yo‘nalishda faoliyat yuritmoqda. Har bir 
tahririyatda yoritish mavzusiga mos ruknlar asosida bo‘limlar ish olib boradi. Yahoo 
Newsga kuniga tashrif buyuruvchilar soni 175 milliontani tashkil etmoqda. Bu 
raqamni O‘zbekiston veb saytlari bilan taqqoslasak katta tafovut ko‘zga tashlanadi. 
Buning sababi internet sifati va boshqa kommunikatsiya tarmoqlarining 
rivojlanmaganligi bilan bevosita bog‘liq, desak bo‘ladi.
“wikiHOW.com” esa dunyodagi eng ommabop 150 nashrlardan biri hisoblanadi. 
Uning jamoasi atigi 25 nafar xodimdan iborat. Nashrni oyiga dunyo bo‘lylib 100 
million martalab o‘qishadi. Sayt 19 ta tilda xizmat ko‘rsatadi. “Ko‘p sonli 

---