Internet tarmog`ining axborot va kommunikatsiya xizmatlari; Internet yaratilishi tarixi; Internetni nimalar tashkil etadi ?

4. Internetni nimalar tashkil etadi ?

Amalda Internet shunchaki tarmoq bo`lmay, u oddiy tarmoqlarni birlashtiruvchi strukturaga ega bo`lgan tarmoqdir. “Internetni nimalar tashkil etadi” degan savolga berilgan aniq javob kundan-kunga vaqt o`tishi bilan o`zgarib bormoqda. Dastlab bu savolga quyidagicha javob berilar edi : foydalanuvchilar uchun yagona tarmoq muhitida IP protokoli asosida ishlaydigan barcha tarmoqlar tashkil etadi. Bu tarmoqlar korxona va hududiy tarmoqlari, shuningdek o`quv yurtlari va xorijiy kompaniyalar (AQSh hududidan tashqaridagi) tarmoqlaridan iborat.

Keyinchalik IP-protokolisiz ishlaydigan tarmoqlar (masalan, Bitnet, DECnet va shu kabilar) ham Internetning afzalligini bilib, undagi ba’zi xizmatlarni o`z tarmoqlarida ham yo`lga qo`yish bilan birga Internet tarmog`iga o`z tarmoqlarini ham ulay boshladilar. Dastlab bu ulanishlar tufayli (ularni shlyuzlar deb nomlashardi) asosan elektron pochta ma’lumotlarini jo`natish mumkin bo`lgan. Lekin ba’zilari boshqa ma’lumotlar va fayllarni uzatish imkonini yaratib, boshqa xizmat turlari orqali tarmoq imkoniyatini oshirganlar. Bu tarmoqlar Internetni tashkil etadimi ? Bu savolga ham ijobiy ham salbiy javob berish mumkin. Hamma narsa bu tarmoq egalari o`z tarmoqlarini Internetning tashkil etuvchisiligini tan olishligi bilan bog`liq.