Iqtisodiyot” fakulteti “innovatsion iqtisodiyot” kafedrasi

2.4. Ishga tayyorgarlik.

2.4.1. Adabiyotlarni tanlash.

Fanga taalluqli bo‘lgan barcha turdagi adabiyotlarni va manbalarni ko‘rib chiqish lozim.
- maxsus:
- ilmiy;
- ilmiy-ommabop;
- ma’lumotnomalar, shu singari statistik;
- umumiy.
2.4.2. Adabiyotlarni o‘rganish va asosiy ma’lumotlarni yig‘ish.
Adabiyotlarni o‘rganishdan oldin yana bir bor mavzuni to‘g‘ri tanlanganligiga ishonch hosil qilish lozim. Talaba adabiyotlarni kurs ishi mavzusi bo‘yicha, unga mos tarzda tanlashi kerak. Ilmiy rahbarning vazifasi talaba tanlagan manbalarni qayta ko‘rib asosiylarini qoldirishdir.
Manbalarni to‘plashda talaba uning chop etilgan yiliga ham alohida e’tibor berishi lozim. Eski manbalardan olingan ma’lumotlar bugungi kundagi dolzarb hisoblangan muammolarni echishda unchalik ahamiyatli bo‘lmay qoladi.
Talaba bir nechta manbalarni qiyosiy tahlil qilgan holda o‘ziga eng ma’qul deb topgan ma’lumotlarni olgandagina olib borgan tadqiqoti samarali bo‘ladi.

3. Kurs ishining tarkibiy tuzilishi.

Kurs ishi quyidagi bosqichlarda bajariladi: mavzu tanlash; tanlangan mavzu bo‘yicha rahbardan topshiriq olish; maxsus adabiyotlarni o‘rganish; kurs ishini nazariy qismini bajarish; jadval va rasmlarni chizish; taqrizga topshirish; himoyaga ma’ruza va taqdimot tayyorlash; kurs ishini himoya qilish.
Kurs ishini yozish uchun reja tuziladi. Mavzuni reja orqali yoritishda aniq ma’lumotlar tahlil qilinadi.
Kurs ishi tuzilmasi quyidagi bo‘limlarni o‘z ichiga oladi: kirish, asosiy mavzuga tegishli bo‘limlar, xulosa va takliflar, foydalanilgan adabiyotlar ro‘yxati, ilovalar. Kurs ishining umumiy hajmi 35-40 sahifa hajmda amaldagi talablarga asosan bajariladi. Bo‘limlarning hajmi kurs ishining umumiy hajmiga nisbatan taxminan quyidagicha bo‘lishi lozim.

1. 
   Titul varaqasi.
   
2. 
   Mundarija.
   
3. 
   Kirish (3%).
   
4. 
   Asosiy bo‘limlar (80-90%).
   
5. 
   Xulosa va takliflar (4-5%).
   
6. 
   Foydalanilgan adabiyotlar ro‘yxati (kamida 20 ta).
   
7. 
   Ilovalar (kurs ishining mavzusidan kelib chiqqan holda qo‘shiladi).
   

Titul varaqasi o‘rnatilgan namunaga mos blank shaklida bo‘ladi (1-ilovaga qarang). Unda kafedra va fakultet nomi, kurs ishi mavzusi, pastda o‘ng tomondan – talaba ismi sharifi, yanada pastdan rahbar lavozimi, ilmiy darajasi va familiyasi, ismi, sharifi yoziladi.