Ислом каримов номидаги тошкент давлат техника университети

Курс иши таркибининг кетма-кетлиги
Курс иши таркибини қуйидаги кетма-кетлик асосида кўйилиб, переплёт қилинади:
- титул варағи (1- илова);
- курс ишини бажариш топшириғи (2- илова);
- курс ишига тақриз; (3-илова)
- мундарижа (4- илова);
- кириш;
- асосий қисм;
- хулоса;
- фойдаланилган адабиётлар рўйхати (5- илова);
- иловалар.


Курс ишидаги бўлим ва параграфларни рақамлаш
Бўлимларнинг номланиши қорайтирилган катта ҳарфлар билан “МУНДАРИЖА”, “КИРИШ”, “ХУЛОСА”, “ФОЙДАЛАНИЛГАН АДАБИЁТЛАР РЎЙХАТИ” каби сатр ўртасига 14 шрифтда ёзилади. Бўлим ичидаги номланишлар хатбошидан кичик харфлар билан ёзилади. Сарлавҳаларни ёзишда бўғин кўчиришга рухсат берилмайди. Сарлавҳа охирида нуқта кўйилмайди. Сарлавҳани тагига чизиб ёзишга рухсат этилмайди. Кириш, хулоса ва фойдаланилган адабиётлар қисмлари рақамланмайди.
Параграфлар бутун курс иши бўйича араб рақамлари билан белгиланади.Ҳар бир парараграф янги саҳифадан ёзилиши лозим.


Курс ишидаги жадвал ва график маълумотларни расмийлаштириш тартиби
Курс ишини тайёрлашда умумий қоидалардан ташқари ҳисоб-китоблар ва статистик жадвалларни тўғри ва асосли ишланганлигига ҳам эътиборни қаратиш лозим.
Ҳар бир ҳисоб-китобда тушунтиришлар асосланган ҳолда берилиши лозим. Жадвал, диаграмма ёки чизмаларнинг манбалари ва номи кўрсатилиши билан бирга, жадвалдан сўнг албатта жадвалдаги маълумотларга таҳлилий фиклар келтирилиши лозим бўлади.
Хар бир жадвал, диаграмма ёки чизмалар аълоҳида тартиб билан белгилаб борилади. Жумладан, жадвал маълумотлари жадвалнинг юқори ўнг томонидан номерланиб кейинги сатр марказига жадвал номи ёзилади ва жадвалдан сўнг унинг манбаси кўрсатилади.


Курс ишидаги иллюстрацияларни расмийлаштириш
тартиби
Иллюстрация (график, чизма, диаграмма, фотосурат)лар кўриш учун кулай тарзда жойлаштирилиши керак. Иллюстрациялар номланган бўлиши ва зарур ҳолларда курс иши матнида тегишли параграфида изоҳ берувчи маълумотлар баён этилади ҳамда баён этилган жойнинг тугалланган нуқтасида тегишли иллюстрациянинг рақами кўрсатилади. Иллюстрациянинг номи унинг остига ёзилади. Иллюстрациянинг турига кўра (график, чизма, диаграмма, фотосурат) кетма-кетликда араб рақамлари билан белгиланади. Масалан, 1.1-график, 2.1-чизма, 3.1-диаграмма, 3.1.-фотосурат каби белгиланади.