Islom Karimov Reja: Vatan sajdagoh kabi muqaddasdir!

Vatanimiz, xalqimiz tinchligi va osoyishtaligini ishonchli himoya qilish, bugungi kunda har bir yigit qizning orzusi va burchiga aylanib bormoqda.
“Bugungi yosh o’g’lonlarimiz mustaqil vatanimizning posbonlaridir. Biz navqiron avlod vakillarini barkamol, yetuk kishilar qilib voyaga yetkazsak, ularning har birida or-nomus, milliy g‘ururni izchil shakllantirib borsak, vatanimiz shunchalik qudratli davlatga aylanadi. Vatanni, xalqimiz tinchligi va osoyishtaligini ishonchli himoya qilish, vatanparvar bo‘lish, sodiqlik, fidoyilik tuyg‘ularini xis etib yashayotgan yoshlarimiz mustaqil yurtimizning kelajagidir. Biz qo‘lga kiritgan bunday yutuqlar bilan muqaddas yurtimizda yashayotgan, millati, dini va e'tiqodidan qat'i nazar, har bir inson haqli ravishda faxrlansa arziydi” – Shavkat Mirziyoyev.
Buyuk mutafakkir Alisher Navoiy bobomiz “Bu dunyoda er yigitning eng buyuk, ezgu va muqaddas vazifasi, avvalo oʻz oilasi, Vatani hamda xalqini munosib himoya qilishdan iboratdir”, deb bejiz aytmaganlar.
Mustaqil Oʻzbekistonning ertangi kelajagi, xalqimiz tinchligi va osoyishtaligi yoʻlida kechayu-kunduz tinmay xizmat qiladigan kasb egalari – bu Vatan himoyachilari, mard oʻgʻlonlarimiz hisoblanadi.
Ona Vatanning har bir qarich yeri muqaddasdir. Shuning uchun ajdodlarimiz yurt tuprogʻini koʻzlariga toʻtiyo aylagan, qayerga borsa ham Vatan yodi bilan nafas olishgan.