Иқтисодий ва туризм географияси фан дастури

АСОСИЙ ҚИСМ

Фанининг назарий машғулотлари мазмуни
1-модул. Иқтисодий география фанининг предмети, тадқиқот услублари, мақсади ва вазифалари
Иқтисодий география фанининг предмети ва объекти. Иқтисодий географиянинг назарий ва амалий йўналишлари: тармоқ ва мамлакатшунослик, ҳудудий йўналишлари, дифференциялашуви ва интеграциялашуви, унинг жойланиш ва ривожланиш хусусиятлари. Асосий илмий концепциялар: иқтисодий географик ўрин, иқтисодий районлашлаштириш, ҳудудий ишлаб чиқариш мажмуалари, энергия ишлаб чиқариш цикллари ва бошқалар. Иқтисодий география фанининг тадқиқот услублари. Умумий, географик, иқтисодий тадқиқот услублар ва йўналишлар. Иқтисодий географиянинг фанлар тизимидаги ўрни, алоқалари, тармоқларга бўлиниши. Иқтисодий географиянинг «Иқтисодиёт назарияси», «Иқтисодий таълимотлар тарихи»,
«Ўзбекистон тарихи», «Жаҳон иқтисодиёти», «Микро ва макро иқтисодиёт»,
«Статистика» каби фанлар билан боғлиқлиги.

2-модул. Ишлаб чиқариш кучларини ҳудудий жойлаштириш ва ривожлантириш қонуниятлари,тамойиллари, шакллари ва омиллари

Ишлаб чиқаришни ҳудудий жойлаштириш қонуниятлари, тамойиллари, шакллари ва омиллари тўғрисида тушунча. Ишлаб чиқаришни жойлаштиришнинг оқилона, ихтисослаштирган ҳолда, комплекс (мажмуали) қонуниятлари. Мужассамлаштириш, кооперация, комбинация жойлаштириш шакллари. Ишлаб чиқаришни ҳудудий жойлаштиришнинг табиий, тарихий, иқтисодий, ижтимоий, экологик, илмий-техник, бозор иқтисодиёти омиллари. Янги иқтисодий шароитда ҳудудий ишлаб чиқариш кучларини ривожлантиришни такомиллаштириш муаммолари.