Iv. Glossariy

IV.GLOSSARIY
AVESTO - zardushtiylik dinining muqaddas kitobi.
BUDDAVIYLIK - (Budda-sankr. «Nurlangan, oliy haqiqatga erishgan» ma’nosida) jahon dini.
VIJDON ERKINLIGI - jamiyat konstitutsiyasi va qonunlarida berilgan diniy e’tiqod erkinligi.
DINIY BAG‘RIKENGLIK - Milliy istiqlol mafkurasining asosiy g‘oyalaridan biri bo‘lib, turli diniy e’tiqodga ega bo‘lgan kishilarning bir vatanda kelajak maqsadi uchun ezgu orzu-umidlar yo‘lida birlashib, hamjihat bo‘lib yashashni anglatadi.
IYMON - Islomda Ollohdan boshqa iloh yo‘qligiga, Payg‘ambar uning elchisi ekanligiga (Rasululloh), Ollohning ilohiy kitoblariga, farishtalariga, taqdir va ohiratda qayta tirilishiga, qiyomat kuniga, ishonib, til bilan aytib, dil bilan tasdiqlashdir.
MADANIYAT- jamiyat taraqqiyoti davomida insonlarning faoliyati tufayli qo‘lga kiritilgan barcha moddiy va ma’naviy yutuqlarning majmuidir
MAFKURA - ma’lum bir jamiyat, davlat, ijtimoiy guruh, partiya yoki millatning tub manfaati, maqsad va vazifalarini nazariy asoslab himoya qiluvchi, shu maqsad yo‘lida ularni birlashtiruvchi, safarbar qiluvchi falsafiy, siyosiy, ahloqiy, diniy, huquqiy qarashlarning sistemalashtirilgan ilmiy bilimlar majmuasidan iboratdir.
MAFKURAVIY TUZOQ - diniy ekstremislar o‘zining g‘oyalariga kishilarni ishontirib, ergashtirib olish usuli.
MAFKURAVIY MARKAZLAR-muayyan g`oyani ilgari suruvchi, targ`ibot va tashviqotning turli ususl, vositalari orqali odamlar ongi, ruhiyatiga ta`sir etuvchi kishilar uyushmasi, tashkilot yoki muassasalar.
MAFKURAVIY BO`SHLIQ – jamiyat, davlat va mehnat jamoalarida vujudga kelgan vaziyat, ijtimoiy muhit tarbiyaviy-mafkuraviy ishlarning zaiflashib qolishi.
MAFKURAVIY IMMUNITET- shaxs, ijtimoiy guruh, jamiyat, millatni turli g‘arazli vayronkor, eksteremistik va terroristik g‘oyaviy ta’sirlardan himoyalashga hizmat qiluvchi tarbiyaviy tizim asosida mustahkam g‘oyaviy dunyoqarashning shakllanishi.