Karyera tomonlarining barqarorligini shakllantirishda ekranlashtiruvchi yoriqni olish usulini ishlab chiqish

Tadqiqotning maqsadi –pog’ona qiyalik teksligining mustahkamligini ta’minlash kontur orti massivining to’liq butunligini va konchilik ishlarini xavfsiz olib borishini ta’minlash uchun BPI ni olib borish texnalogiyasini hisobga olgan holda konturli portlatishda pog’ona qiyalik teksligining mustahkamligini ta’minlash uchun portlovchi modda skvajina zaryadi konstruksiyasini ishlab chiqish.
Ushbu maqsadga erishish uchun ishda quyidagi asosiy tadqiqot vazifalari hal qilindi:
‒ karerning chegaralangan konturida burg'ulash va portlatish ishlarini rivojlantirishning zamonaviy tendentsiyalarini o'rganish va to'siqlarning vertikal qiyaliklarini shakllantirish bo'yicha tugallangan tadqiqotlarni tahlil qilish;
‒ ochiq konlarda yivlarni dastlabki hosil qilishda portlatish teshiklarining ratsional parametrlarini tadqiq qilish va aniqlash;
‒ karerlarda qiyaliklarni tayyorlashda kontur portlatish usulini eksperimental baholash metodologiyasini ishlab chiqish;
‒ karer yonbag'irlarining barqaror qiyaliklarini shakllantirish usulini ishlab chiqish.
Tadqiqot ob'ekti - konturga yaqin zona vapog’ona qiyalik teksligi hisoblanadi.
Tadqiqot predmeti: portlovchi modda skvajina zaryadi.
Tadqiqot usullari. Dissertatsiya ishida nazariy umumlashtirish va tajriba, poligon hamda sanoat sharoitida eksperimental tadqiq etish dastlabki tirqish hosil qilishda konturli skvajina parametrlarini matematik modellashtirish usullari, zamonaviy kompyuter texnalogiyalarini qo’llagan holda matematik dasturlash usullari, shuningdek, tadqiqot natijalarini matematik statik usullarini o’z ichiga oluvchi tadqiqotlarning umumlashgan usullaridan foydalanilgan.
Tadqiqotning ilmiy yangiligi quyidagilardan iborat:
‒ turli kon-geologik, kon-iqlim sharoitlarida dastlabki yoriqlar hosil bo‘lishida portlatish skvajinalarining ratsional parametrlari aniqlangan;
-portlovchi moddalarning zaryad zichligiga, jinslarning zichligiga, tog' jinslarining siqilish kuchiga, portlatilgan jinsdagi to'lqin tezligiga va sanoat portlovchi moddalarining portlash tezligiga qarab skvajina diametrining o'zgarishi aniqlandi;
- kontur zaryadining chiziqli massasi o'zgarishining jinsdagi to'lqin tezligiga, portlovchi moddalarning zichligiga, kontur skvajina radiusiga, sanoat portlovchi moddalarining portlash tezligiga va tog' jinslarining siqilish kuchiga bog'liqligi aniqlandi.
‒ kontur skvajinalari orasidagi masofa oʻzgarishining jinsdagi boʻylama toʻlqin tezligiga, portlovchi moddalarning zichligiga, togʻ jinslarining siqilish va choʻzilish chidamliligiga, shuningdek, konturli skvajina radiusiga bogʻliqligi aniqlandi.