Kasalliklari

Toksik nekroz.

To'qimalarga toksinlar ta'sir etgan mahalda toksik nekroz boshlanadi. Odam

sulema, dori preparatlari (sulfanilamidlar, sintetik antibiotiklar va boshqalar) bilan

zaharlanib qolgan paytda nefronlar proksimal va distal bo'limining halok bo'lib

ketishi toksik nekrozga misol bo'la oladi. To'qimalarga boshqa zaharli moddalar,

aksariat bakteriyalardan ajralib chiqadigan moddalar ta'sir qilgan mahallarda ham

toksik nekroz paydo bo'ladi.

Masalan, silda uchraydigan kazeoz nekroz, zaxm, qorin tifida bo'ladigan nekroz

ana shunday nekroz jumlasiga kiradi. Trofonevrotik nekroz bosh miya yoki orqa

miya zaharlanganida, masalan, jarohatlanganida yoki o'sma paydo bo'lganida

kuzatiladi, bu narsa teri nerv trofikasi buzilishi munosobati bilan yotoq yaralar

paydo bo'lishiga olib keladi.

Denervatsiya ham neyrogen nekrozga sabab bo'lishi mumkin. Neyrogen nekroz

bilvosita yo'l bilan, ya'ni nerv sistemasi ta'siri ostida boshlanadigan nekroz deb

ham hisoblanadi. Allergik nekroz organizm to'qimalarining qanday bo'lmasin

biror xildagi biologik, fiziologik yoki kimyoviy omilga haddan tashqari sezgirligi

munosabati bilan boshlanadi va organizm reaktivligi o'zgarib qolgan sharoitlarda

kuzatiladi ( Artyus fenomeni).