Каттақўрғонда ноқонуний қурилма бузилиб, ер майдони қайтарилди

Каттақўрғонда ноқонуний қурилма бузилиб,
ер майдони қайтарилди
Бюронинг Каттақўрғон туман бўлими иш юритувига фуқаролик ишлари бўйича туманлараро судининг 2022 йил 1 ноябрдаги суд ҳужжатига асосан жавобгар Р.Ю.га нисбатан даъвогар туман ҳокимлиги ҳисобига эгаллаб олинган ер майдонидаги ноқонуний қурилмани буздириш ва тартибга келтириб қўйиш тўғрисидаги ижро ҳужжати келиб тушган.

Ўзбекистон Республикасининг “Суд ҳужжатлари ва бошқа органлар ҳужжатларини ижро этиш тўғрисида”ги Қонуннинг 21-моддасига асосан ижро иши қўзғатилган ва 15 кунлик ихтиёрий муддат белгиланган.
Қарздор томонидан белгиланган ихтиёрий муддат ичида ижро иши тугатилмаганлиги сабабли Ўзбекистон Республикасининг “Суд ҳужжатлари ва бошқа органлар ҳужжатларини ижро этиш тўғрисида”ги Қонуннинг 21-моддасига асосан барча мол-мулкларига тақиқ қўйилган.
Олиб борилган мажбурий ижро ҳаракатлари давомида ижро ҳужжатининг ижроси амалда тамомланиб, ноқонуний қурилган 162 квадрат-метр ер майдонидаги ноқонуний қурилган қурилма мажбурий тартибда буздирилиб, ер майдони туман ҳокимлиги ҳисобига қайтарилди.
Жасурбек РАҲМОНОВ,
Бюронинг Каттақўрғон туман бўлими
давлат ижрочиси.