Kimyo va oziq ovqat korxona sanoatining asosiy bo‘g‘ini. Reja

Kimyo va oziq ovqat korxona sanoatining asosiy bo‘g‘ini.
Reja:

1. 
   Korxonalar mohiyati va faoliyatining asosi.
   
2. 
   Korxonalarning tashkiliy-huquqiy shakllari.
   
3. 
   Bozor iqtisodiyoti sharoitida korxona turlari.
   

1. 
   Korxonaning bozor iqtisodiyotining xo‘jalik sub’ekti maqsadi va vazifalari
   

Bozor iqtisodiyoti sharoitida korxonalar xalq hujaligining asosiy bug‘ini bo‘lib, ular mamlakat iqtisodiy imkoniyatlarining yuksalishi va rivojlanishi ta’minlaydilar, xalq xo‘jaligining va xalqning mahsulotlariga bo‘lgan talabini qondiradilar. Inson ehtiyojlarini qondirish uchun o‘z taraqqiyotining qandaydir tarixiy bosqichida ehtiyojni qondiruvchi resurslarni ishlab chiqaruvchi, yaratuvchi, o‘z faoliyati doirasida er, kapital, mehnat, tadbirkorlik, talant va boshqa vositalardan foydalanuvchi va ularni yaratuvchi korxonalarni tashkil qilgan.

Haqiqatda olganda korxona tovarlar va xizmatlar ishlab chiqaradi, ularni tashish, saqlash, sotish kabi ish va xizmatlarni amalga oshiradi, hamda tadbirkorlik faoliyati bilan shug‘ullanadi.

Korxona insoniyatni ehtiyojlarini qondirish uchun vujudga kelgan jamiyatning birlamchi va asosiy bo‘g‘inidir.

Korxonaning, mohiyati ham yuqoridagilardan kelib chiqadi.

Ijtimoiy ishlab chiqarish ishlatiladigan resurslarni turlari, ishlab chiqariladigan mahsulotlar, tovarlar va xizmatlar jihatlariga qarab tarmoqlarga bo‘linadi. Masalan: og‘ir sanoat, engil sanoat, qishloq xo‘jaligi, transport, aloqa, savdo, har xil xizmat ko‘rsatish tarmoqlari kabilar. Tarmoqlar esa korxonalar va ularni birlashmalarini o‘z ichiga oladi.

Korxonaning asosiy maqsadini ikki yo‘nalishdan iborat ekanligini ta’kidlash zarur. Birinchisi foyda yoki daromad olish uchun faoliyat yuritishligi bo‘lsa, ikkinchisi talabni (ehtiyojni) qondirishga yo‘naltirilgan bo‘lishi kerak. CHunki bu maqsadlarni har biriga erishish ikkinchisisiz amalga oshmaydi.