Kirisiw Neft hám gazdı qayta islew sanaatında metalldan islengen ásbap úskeneler uzaq waqıt dawamında isleydi hám olar soǵan kóre joybarlanadı

Kirisiw

Neft hám gazdı qayta islew sanaatında metalldan islengen ásbap úskeneler uzaq waqıt dawamında isleydi hám olar soǵan kóre joybarlanadı (mısalı, neft saqlawshı rezervuarlardıń ortasha islew múddeti 33 jılǵa mólsherlengen boladı). Apparatlardıń islew múddeti, olardı korroziyadan qorǵaw kórsetkishi arqalı belgilenedi.

Aktuallıǵı: 1. Metallar korroziyası xalıq xojalıǵına úlken zıyan keltiredi. Bul zıyan korroziya áqibetinde isten shıqqan konstrukcion materiallardı tayarlaw bahası, qaytarıp bolmaytuǵın korroziya ónimleri kórinisindegi metalldıń joǵalıp ketiwi hám de xalıq xojalıǵındaǵı tikkeley bolmaǵan (gaz kelmegende kárxanalardıń toqtap qalıwı, jiberilip atırǵan gazlardıń joǵalıp ketiwi, átirap -ortalıqtıń pataslanıwı hám t.b. ) ǵárejetlerdiń jıyındısınan dúziledi.

Sońǵı 10 jıl ishinde polattan tayarlanǵan buyımlardıń islew múddeti átirap-oralıqtıń korroziv aktivligi asqanlıǵı sebepli, olardı isletiwdiń barlıq tarawlarında kemeyiwi baqlanbaqta.

Maǵlıwmatlarǵa qaraǵanda, metallardıń korroziya nátiyjesinde qaytarıp bolmaytuǵın jıllıq joǵalıp ketiw kórsetkishi konstrukciyalıq úskenelerdiń baslanǵısh massasınıń 8% - teń dep qabıl etilgen. Ámelde bolsa, onıń ulıwma jıllıq joǵalıp ketiw kórsetkishi 20% - ge shekem boladı.

Metall apparatlardı korroziyadan qorǵaw ushın olardıń materialları arnawlı qatlamlı materiallardan tayarlanadı yamasa olardıń maydanında izolaciya qatlamları payda etiledi.

Biz bul disserciya jumısımızda metall konstrukciyalardı yaǵnıy temir uglerod birkipelerin ıssı cinklew processine tayarlaw, hám cinklew arqalı olardıń korroziyaǵa qarsı turaqlılıǵın asırıw, xızmet múddetin uzaytıw mashqalaların kórip shıqtıq. Issı cinklew processi aktiv ortalıqta metall ónimlerdi isletiw tarawınıń keńeyiwine alıp keledi. 2. Hár qanday betti qayta islew usılı sıyaqlı, ıssı cinklew uılıda detaldı cinkli vannaǵa batırǵanda cink hám de temir birdey reakciyaǵa kirisiwi, joqarı sapalı adgeziyaǵa erisiw hám bir tegis qatlam payda etiw ushın cink penen qaplanatuǵın detal betin aldın ala tuwrı tayarlaw talap etiledi. Aldın ala tayarlaw bir qansha texnologik processlerdi óz ishine aladı. Bul texnologik processler tómendegiler:

1. Jeterli dárejede mayda bolǵan metall granulaları menen kúshli hawa aǵımı járdeminde úplew arqalı (peskostruyka) islew beriw,

2. kislota járdeminde maysızlandırıw,

3. travlenie islew (metalldıń sırtqı júzine ximiyalıq usılda islew beriw),

4. juwıw,

5. flyusovanie islew,

6. flyuslewden keyin shayıw

7. qurǵatıw protsesslerin túsinemiz.

Bul texnologik protsesslerdiń izbe-izligi saqlanbasa yaki hár bir basqıshta islew beriwde paydalanılatuǵın eritpege qosılatuǵın ximiyalıq elementlerdiń muǵdarı talap dárejesinde qosılmaǵan jaǵdayda payda etilgen sinkli qatlamnıń sapasınıń tómenlewine alıp keledi. Bul bolsa óz gezeginde waqıt ótiwi menen sinkli qatlamnıń kópshiwine yaki jarıqlar payda bolıwına hám metaldıń korroziyaǵa ushırawına alıp keledi

Ilimiy jańalıǵı: Mısalı biz 2 tonnalıq konstruksion materialdı 450 ⁰S temperaturadaǵı sinkli vannaǵa batırıp sinkli qatlap payda etpekshimiz. Biz bul konstruksion materialımızdı flyusovanieden keyin 100 ⁰S temperaturada 20-30 minut dawamında keptiremiz. Bunıń nátiyjesinde konstruksiyamız shama menen 60-70 ⁰S qa qızadı. Endi karań sink penen metall konstruksiya arasında gradient temperatura 370-380 ⁰S, nátiyjede termonapryajenie payda boladı. Bul payda bolǵan termonapryajenie sink qatlamnıń bir tegis bolıwına kesent etedi. Biz termonapryajenieni maksimal túsiriw ushın gradient temperaturanı kishireytiwimiz kerek boladı. Bunıń ushın biz konstruksiyadan elektr togın ótkeremiz yaǵnıy elektronparyajenie arqalı konstruksiyanı 300-350 ⁰S qa shekem qızdıramız. Bul usıl menen biz talap etilgen sinkli qatlamdı alıwǵa erisemiz.

Jumıstıń maqseti – Issı sinklew protsessinde elektr eenergiyasınan paydalanǵan halda sapasız qaplamalı ónim alınıwınıń aldın alıw. Jáne de resurslardı (sink, gaz, elektr energiyası) tejew