Kodirova nargizaning

Umumiy xulosa va metodik tavsiyalar.

Foydalanilgan adabiyotlar ro’yxati.

Kirish.

Mavzuning dolzarbligi: Mamlakatimizda ta’lim tizimiga davlat siyosati darajasida e’tibor qaratilmoqda. O’zbekiston Respublikasining 2017-2021 yillarga mo’ljallangan Harakatlar strategiyasida maktabgacha ta’lim tizimini qayta ko’rib chiqish va uni yanada takomillashtirish vazifalari belgilab berildi. Hozirgi vaqtda ta’lim tizimida,jumladan, birinchi bosqich maktabgacha ta’lim tashkilotlarini tashkil etish va ularga rahbarlik qilish yo’nalishida bosqichma-bosqich amalga oshirilayotgan keng ko’lamli islohotlarning samarali olib borilishini ta’minlash va chuqur tahlil qilish zarurati yuzaga kelmoqda. O’zbekiston Respublikasining Prezidenti Shavkat Mirziyoyev ta’kidlaganlaridek “ Tanqidiy tahlil, qat’iy tartib intizom va shaxsiy javobgarlik - har bir rahbar faoliyatining kundalik qoidasi bo’lishi kerak” deb aytganlar. O’tgan davr mobaynida sog’lom va har tomonlama rivojlangan o’sib kelayotgan avlodning shakllanishini ta’minlashga qaratilgan samarali maktabgacha ta’lim tizimini tashkil qilish bo’yicha kompleks tashkiliy- huquqiy chora-tadbirlar amalga oshirildi. Maktabgacha ta’limni boshqarishning zamonaviy mexanizmlarini joriy etish, tarbiya va o’quv jarayonini takomillashtirish, maktabgacha ta’lim tashkilotlarini yuqori malakali mutaxasisslar bilan to’ldirish, ularning infratuzilmasi va moddiy-texnik jihozlanishini yaxshilash maqsadida qator vazifalar amalga oshirilmoqda.

Maktabgacha ta’lim - bolalarning individual va yosh xususiyatlarini, qiziqishi, moyilligi, madaniy ehtiyojlarini inobatga olgan holda,bola shaxsining jismoniy, intellektual, ijtimoiy-axloqiy va ruhiy rivojlanishini ta’minlovchi, shuningdek maktabga tayyorlab, hayotga zamin yaratuvchi, har tomonlama maqsadli yo’naltirilgan yaxlit jarayondir. Maktabgacha ta’lim uzluksiz ta’lim tizimining boshlang’ich bo’g’ini sifatida O’zbekiston Respublikasining “ Ta’lim to’g’risida”gi Qonuni va Kadrlar tayyorlash milliy dasturi talablari asosida tashkil etiladi. Har qaysi sohani samarali idora etish, avvalombor, boshqarish tamoyil va mezonlari, usul va uslublarining ilmiy asoslangani, qay darajada takomillashgani bilan belgilanadi.

Boshqaruv va unda rahbarlik masalalari respublikamiz ta‘lim tizimining tobora rivojlanish va taraqqiyot sari olg’a odimlayotgan bugungi davrida mas‘uliyat va ijodiy yondashish kabi murakkab vazifalarni kun tartibiga qo’ymoqda. Jamiyatning ma‘naviy hayotini boshqarish oldiga qo’yilgan maqsad esa ilm-ma‘rifatni, madaniyatni, har tomonlama kamol topgan yuksak intellektual, yuksak darajadagi pok va axloqli kishini tarbiyalab yetishtirishdan iboratdir.

Jamiyatning va uning har bir ayrim a‘zosining ma‘naviy rivojlanishini boshqarish - umumiy ta‘lim maktablari, maktabgacha, maktabdan tashqari bolalar muassasalari, xalq ta‘limi organlari, hunar-texnika bilim yurtlari, o’rta maxsus va oliy o’quv yurtlari, pedagogik kadrlar malakasini oshirish institutlarini boshqarishni, fan adabiyot, san‘at, madaniyat, sog’liqni saqlash kabi sohalarni boshqarishni o’z ichiga oladi.