Компьютернинг дастурий таъминоти

Қаттиқ диск (Винчестер)
Ток манбаи блоки

Тизимли плата бу – махсус материаллардан ясалган пластинада жойлашган микро - схемалардан иборат бўлиб, улар ўзаро боғловчи электр ток узатувчи йўллар билан боғланган. Тизимли плата ЭҲМ нинг энг муҳим элементларини жамлайди булар:
Марказий просессор (микропроцессор). Компьютернинг энг мухим қисмини марказий процессор, (яъни процессор ва бошқарув қурилмаси) ташкил этади. Дастур ёрдамида берилган маълумотларни ўзгартирадиган, хамма ҳисоблаш жараёнларини бошқарадиган хамда ҳисоблаш ишларига тегишли мосламаларнинг ўзаро алоқасини ўрнатадиган қурилма — процессор деб аталади. Арифметик ва мантиқий амалларни бажариш, хотирага мурожаат қилиш, дастурдаги кўрсатмаларнинг берилган кетма-кетликда бажарилишини бошқариш ва бошқа амаллар процессор зиммасидадир. Бир сўз билан айтганда, процессор компьютернинг барча ишини бошқаради ва барча кўрсатмаларини бажаради.
IBM русумли компьютерларда процессор сифатида одатда Intel фирмаси ёки ўнга мувофик бошқа фирмаларнинг микропроцессорлари ўрнатилади. Компьютерлар микропроцессор турлари билан фарқланади. Микропроцессорларнинг Intel 8088, 80284, 80386SX, 80386, 80486 каби турлари маълум.
1993 йилдан бошлаб Intel фирмаси Pentium микропроцессорларини ишлаб чиқариб, IBM компьютерларига ўрнатмоқда.
Тезкор (оператив) хотира микросхемалари. Оператив хотира ўзида компьютерда ишлатилаётган дастурлар ва маълумотларни сақлайди. Маълумотлар доимий хотирадан оператив хотирага кўчирилади, олинган натижалар зарур холда дискка қайта ёзилади. Компьютер ўчирилиши билан оператив хотирадаги маълумотлар ўчирилади. Тезкор хотира микросхемаларининг қуйидаги турлари мавжуд: SIMM, DIMM, DDR, DDR2. бугунги кунда асосан тезкор хотира микросхемаларининг DDR ва DDR2 каби турлари кенг тарқалмоқда.