Kompyuter arxitekturasiga oid atamalar. Elektron hisoblash mashinalari

AMD kompaniyasi 2003 yili bozorga birinchi 64 razryadli mikroprosessorni chiqarib, bu muammoni qisman bo’lsa-da hal qildi. Bunga javoban Intel kompaniyasi 2004 yil avval virtual (dasturiy) ikki yadrodan iborat Pentium Prescort, keyin 2005 yil haqiqiy ikki yadroli Pentium D (dual – qo’sh) mikroprosessorlarini sotuvga chiqardi. Lekin bu urinishlar Pentium prosessorlarining obro’sini qayta tiklay olmadi. Intel kompaniyasi yana bir marta o’zining mashhur savdo belgisidan voz kechishga majbur bo’ldi. Navbatdagi prosessorlar ularning ikki yadroli ekanligiga urg’u bergan holda DualCore va Core2Duo deb atala boshlandi. Ulardan keyin 2007 yil to’rt yadroli Core Quad mikroprosessorlari ham sotuvga chiqarildi. Kuchli raqobat tufayli Intel 64 razryadli mikroprosessorlarni, AMD esa ko’p yadrolilarini chiqarishga majbur bo’ldi.

Dunyodagi bir qator mamlakatlarda beshinchi avlod kompyuterlari ustida ishlar allaqachon boshlab yuborilgan. Kvant fizikasidagi yutuqlar beshinchi avlod kompyuterlari kvant kompyuterlari bo’lishini belgilab berdi. Bitta kislorod molekulasi O2 (unda 16 ta elektron bor)da yasaladigan kvant kompyuterining razryadlari soni 2¹⁶=65536 ga teng bo’ladi. Bunday kompyuterlarni yaratish ishlari boshlab yuborilgan va 2020 yilga kelib birinchi kvant kompyuterlarini yaratish mo’ljallanayap