Kompyuterlashgan loyihalash tizimlari

3. Texnologik sxema bayoni

Fenol birikmalar uzum va sharobning organoleptik xossalari paydo bo‘lishida ishtirok etadi. Bu birikmalarning o‘zi va ularning o‘zgarish mahsulotlari sharobning ta’mi, rangi va tiniqligiga ta’sir etadi. Sharobda fenol moddalar miqdorining ko‘payishi sharobning dag‘alligini va taxirligini oshiradi, ularning yetishmasligi sharobni bo‘sh, “suyuq” qilib qo‘yadi. Qizil sharoblar rangida taninlar muhim vazifani bajaradi, taninlarning bo‘lishi antotsianlar rangini kuchaytiradi. Fenol birikmalar sharob tayyorlashning barcha bosqichlarida sodir bo‘ladigan jarayonlarda faol ishtirok etadi, jumladan oksidlanish-qaytarilish reaksiyalarida, azotli moddalar, aldegidlar bilan reaksiyalarda qatnashadi. Fenol birikmalarning oqsillar bilan o‘zaro ta’siridan cho‘kmaga tushadigan, erimaydigan tanin-oqsil komplekslari hosil bo‘ladi. Fenol birikmalarning bu xossasidan sharoblarni ishlov berishda foydalaniladi. Fenol birikmalarining metallar, fosfat kislota bilan reaksiyalari ham sharoblarning loyqalanishiga – qora va oq cho‘kindilar hosil bo‘lishiga olib kelishi mumkin. Kaxetin sharoblari, madera tipidagi sharoblar tayyorlashdagi oksidlanishqaytarilish reaksiyalarida fenol birikmalar muhim ahamiyatga ega. Bu reaksiyalar Maderaning o‘ziga xos ta’mi va xushbo‘y hidi hosil bo‘lishiga yordam beradi. Ular qizil sharoblarda antioksidantlar vazifasini bajaradi va qizil sharoblarning ortiqcha oksidlanishiga yo‘l qo‘ymaydi. Fenol birikmalar biologik faol moddalar bo‘lgani sababli sharoblarning parhez xossalarini oshiradi. Kuchli sharoblar va konyaklar ayrim turlarini etiltirishda fenol birikmalarining va ligninning gidrolizlanish va oksidlanish mahsulotlarining muhim ahamiyati bor.