Конституция РФ – основной закон страны

ЎЗБЕКИСТОН РЕСПУБЛИКАСИ КОНСТИТУЦИЯВИЙ ҲУҚУҚИ Тошкент - 2012

ЎЗБЕКИСТОН РЕСПУБЛИКАСИ
ТАШҚИ
СИЁСАТИНИНГ
КОНСТИТУЦИЯВИЙ
АСОСЛАРИ

7-мавзу. Ташқи сиёсатнинг конституциявий асослари

1. Ташқи сиёсатни юритиш давлатнинг муҳим вазифаси.
2. Ўзбекистон халқаро муносабатларнинг тўла ҳуқуқли субъекти.
3. Давлатларнинг суверен тенглигини эътироф этиш.
4. Куч ишлатмаслик ва куч билан таҳдид қилмаслик.
5. Чегараларнинг дахлсизлигини эътироф этиш.
6. Низоларни тинч йўл билан ҳал этиш.
7. Бошқа давлатларнинг ички ишларига аралашмаслик.
8. Халқаро ҳуқуқнинг умумэътироф этилган қоидаларига амал қилиш.
9. Иттифоқлар тузиш ва турли тузилмаларга аъзо бўлиш.
10. Мамлакатимизнинг хавфсизлиги ва барқарорлигини таъминлаш
IV боб. Ташқи сиёсат.
17-модда. Ўзбекистон Республикаси халқаро муносабатларнинг тўла ҳуқуқли субъектидир. Унинг ташқи сиёсати давлатларнинг суверен тенглиги, куч ишлатмаслик ёки куч билан таҳдид қилмаслик, чегараларнинг дахлсизлиги, низоларни тинч йўл билан ҳал этиш, бошқа давлатларнинг ички ишларига аралашмаслик қоидаларига ва халқаро ҳуқуқнинг умум эътироф этилган бошқа қоидалари ва нормаларига асосланади.
Республика давлатнинг, халқнинг олий манфаатлари, фаровонлиги ва хавфсизлигини таъминлаш мақсадида иттифоқлар тузиши, ҳамдўстликларга ва бошқа давлатлараро тузилмаларга кириши ва улардан ажралиб чиқиши мумкин.
Ўзбекистоннинг 21 йиллик мустақил тараққиёти даврида ҳар томонлама пухта ўйланган ҳамда миллий манфаатларга асосланган, дунёда кенг эътироф этилган ва жаҳон ҳамжамиятида мамлакатнинг обрў-эътиборини мустаҳкамлаган ташқи сиёсий йўли шаклланди.
Ўзбекистоннинг ташқи сиёсати ўтган йигирма бир йил давомида эришилган амалий тажрибага таяниб, фаол, дадил ва мутаносиб ташқи сиёсий йўлни амалга ошириш талаб этилаётган ХХI асрнинг тинимсиз ўзгариб бораётган халқаро сиёсий вазиятини ҳисобга олган ҳолда қурилмоқда.