Kutar: bahor, yoz, kuz, qish…

IZTIROB

Kutar: bahor, yoz, kuz, qish…

Yana yetaklaymiz navbatdagi yosh,

Yillar sog`intirar, bo`lmas bag`ritosh.

Lolalar terilgan etagingga men,

Sokingina qo`yib yotay bosh.

“ Yillar “, karvoningni qo`riqlab qancha,

Senga yetmadimi odamlar shuncha?

Umr savdosiga garov bo`lguncha,

Nechun o`ylamas? O`ylamas birov,

O`tib ketganin umring bilguncha.

Bildimki, yulduzlar so`narkan, so`nar muhabbat.

Nega muhabbatga qildim men tuhmat?

Chin so`z- yuki og`ir jasorat.

Balki, hech o`ylamaysan seni o`ylashim,

Oh, so`zsiz nigohlardan qolgan asorat.

Biz jim edik, jim turar hamon

Eski so`z, yangi suhbatlar gumon.

Tanish bog`lar so`rar ismingni har on,

O`sha bog`lar hurmati, albatta, bir kun

Gul taqasanmi ko`ksimga, ayt, qachon?

Tuyg`ulardan sof, yana nima bor?

Yolg`iz kezgan ko`ngil ko`chalari tor,

Ishq deya yelkam ko`tarar viqor.

Tanho o`ylayman yozib men she`rim,

Nozik ko`nglingga borurmi yetib,ey, yor?

Xayrlashmay ketdik biz, ketdik achinib,

Birdan hajr kunlar ketdi boshlanib.

Nega qaytmayin? So`z vaslga berib,

Dedim: Mag`rur ishqimizning so`nmas sadosi,

Shunda so`nggi savolimga bo`ladi javob…

11.01.2020-yil Muallif: Nodir Madraxim