Lаborаtoriya ishlаrini mаvzulаri

Ishni bajarish va hisobotlarni toʻldirishga qoʻyiladigan umumiy talablar

Laboratoriya ishini bajarishga kelgan barcha talabalar texnika xavfsizligi qoidalari bilan tanishishga majbur va ularni toʻliq bajarishlari zarur.

Laboratoriya ishlarini bajarish uchun talabalar alohida 9-12 kishilik kichik guruhlarga boʻlinishadi.
Laboratoriya ishini bajarishdan avval talaba uning tarkibi bilan toʻliq tanishib chiqishi kerak. Talabaning ishni bajarishga tayyorligini oʻqituvchi tomonidan tekshiriladi, undan soʻng uni oʻtkazishga ruxsat beriladi. Laboratoriya ishini bajarishga tayyor boʻlmagan talabalar uni oʻtkazishga qoʻyilmaydilar.
Oʻlchovlar vaqtida oʻlchov asboblari boʻyicha koʻrsatkichlarni juda ehtiyotkorlik bilan hisobot olib borish kerak va avvaldan tayyorlangan jadvallarga tezkorlik bilan asboblarni koʻrsatkishlarini yozib qoʻyish kerak.
Laboratoriya ishi tugallangandan soʻng hisobotlarni qoralama variantlari, soʻngra oxirgi laboratoriya ma’lumotlar va hisoblar rahbarga taqdim etiladi.
Qoralama ma’lumotlar hisobotga kiritiladi, uning tarkibiga quyidagilar kiradi: ishning tarkibi, qurilma tarkibi va uning texnik ma’lumotlari, ishning qisqacha ma’lumoti, qurilma sxemasi, hisobiy formulalari, ishning laboratoriya va hisobiy ma’lumotlari jadvali, ish boʻyicha xulosa.
Nazariy material boʻyicha suhbat asosida ijobiy deb topilgan, toʻgʻri tuzilgan hisobot va qoralama hisoblarini oʻqituvchi tomonidan qoʻl qoʻyilgan holda ish qabul qilingan deb hisoblanadi.
Hisobot navbatdagi mashgʻulotga taqdim qilinishi zarur. Oʻtgan mashgʻulotlar boʻyicha hisobotlarini taqdim qilmagan talabalar keyingi laboratoriya mashgʻulotlariga qoʻyilmaydilar.
Mashgʻulotlarni bajarish oldidan oʻlchash asboblarini xatoliligini va aniqlik sinfini tekshirib qoʻyish kerak.


Laboratoriya ishlarini olib borishdagi texnika xavfsizligi

Laboratoriya ishlarini bajarishda quyidagi asosiy texnika xavfsizligi qoidalari talablariga rioya qilinishi kerak.

1. Talabalar qozonxona ishidagi tartib qoidalar toʻgʻrisidagi oʻqituvchining koʻrsatmalarini bajarishlari kerak.
2. Laboratoriya ishlarini bajarish vaqtida qurilmalarning detallariga (tugmachalar, joʻmraklar, yopqichlar, boshqaruv kaltlari va hakozolarga) teginishlari oʻqituvchining koʻrsatmasi bilan ruxsat etiladi.
3. Laboratoriya ishlarini bajarish vaqtida talabalarga quyidagilar taqiqlanadi:
a) oʻtish uchun moʻljallanmagan va maxsus toʻsiqlari boʻlmagan toʻsiq maydonchalarida, quvurlarda, konstruksiya va yopilmalarda turish;
b) mexanizm va qurilmalarning aylanuvchi qismlariga tegish;
d) quvurlarni flanes bogʻlamalari va armaturalari, xavfsizlik klapanlari, yoqilgʻi tayyorlash tizimi va qozon gaz yoʻli lyuklari va quduqlari yonida sababsiz turish, shuningdek quvurlar va armaturaning izolyatsiyalangan yuzalarini ochiq qoʻl bilan ushlash;
e) moy, mazut yoki suv bilan qoplangan yuzalarda yurish, oʻtish uchun yopilgan joylarda joylashish;
f) qozonxonada chekish;
h) laboratoriya oʻtkazilish vaqtida ish joyidan ketib qolish.