Laboratoriya jumıs №1

A`meliy sabaq - 1
Tema: Bakteriologiyalıq, virusologiyalıq, immunologiyalıq laboratoriyalar ha`m olardın` du`zilisi, a`spab u`skeneleri, islew qag`ıydaları. Mikroorganizmler morfologiyası ha`m u`yreniw usıllırı. Nawqastan material alıw texnikası ha`m onı laboratoriyag`a jiberiw qag`ıydaları.
Laboratoriya jumıs №1. Su`rtpe tayarlaw texnikası ha`m a`piwayı boyaw usılı, bakteriyalardın` hareketshen`ligin anıqlaw
Sabaqtın` mazmunı
Bakteriologiyalıq, virusologiyalıq ha`m serologiyalıq laboratoriyalardı sho`lkemlestiriw principleri
Bakteriologiyalıq, virusologiyalıq ha`m serologiyalıq laboratoriyalar sanitariya epidemiologiyalıq stantsiyalar (SES) quramında, emleuxanalarda ha`m meditsina institutlarında ( talabalar menen laboratoriyalık jumıslardı o`tkeriw ushın) sho`lkemlestiriledi. Bul laboratoriyalarda nauqaslardan alıng`an patologiyalıq materiallar tiykarında bakteriologiyalıq, virusologiyalıq ha`m serologiyalıq tekseriwler o`tkiziledi. Sonın` menen bir qatarda bakteriya tasıwshılar ha`mde suw, hawa, topıraq, azıq –awqat o`nimlerin sanitariya- bakteriologiyalıq tekseriwlerden o`tkiziledi.
Emleuxana qasındag`ı bakteriologiyalıq ha`m serologiyalıq laboratoriyalarda, (ishek , hawa tamshı ha`m iyirin`li infektsiyalar) diagnozın anıqlau ushın tekseriuler ha`m emleuxananın` sanitariya gigienalıq jag`dayına baha beriw, sterillew ha`m dezinfektsiya sıpatları tekserilip barıladı.
Asa qa`wipli juqpalı kesellikler (chuma, xolera, sibir` jarası, brutsellyoz,tulyaremiya x.t.b.) qozg`atıushıları diagnostikası arnaulı laboratoriyada alıp barıladı).
Virusologiyalıq laboratoriyalar respublika, qalalık, rayon SESler quramında ha`m virusologiya ilimiy tekseriu institutlarında sho`lkemlestirilgen. Bul laboratoriyalarda viruslar keltirip shıg`arıwshı kesellikler ( gripp, poliomielit, kızamık, ha`m basqalar) xlamidiya ( ornitoz, ha`m basqalar) ha`m rikketsiyalar (taspalı tif, Ku-ısıtpası qozdırg`an kesellikler tekseriledi).
Virusologiyalıq laboratoriyalarda kletka kul`turaları, tauıq embrionları ha`m laboratoriya hayuanları menen islew ushın arnawlı boksler ko`zde tutıladı, aseptik kag`ıydalar katan` tu`rde talap etiledi.
Laboratoriyalıq jumıstın` ko`lemi ha`m maqsetine muwapıq laboratoriyalardın` strukturası (duzilisi) bir neshe bo`lmelerge bo`linedi:
1. Analizlerdi dizimge alıw ha`m olardın` juwabın beriw bo`lmesi
2. Ayırım bakteriyalar gruppası (ishek, hawa tamshı, sanitariya ha`m basqalar )menen islew ushın bo`lmeler
3. Steril materiallar menen islew ushın bokslar
4. Serologiyalıq tekseriudi o`tkeriw ushın bo`lmeler
5. Azıqlı ortalıklardı tayarlaw, sterillew ushın bo`lme
6. Idıslardı juwıw bo`lmesi
7. Tajiribe o`tkeriw ha`m haywanlardı saqlaw bo`lmesi (vivariy)

Virusologiya laboratoriyalarda joqarıda ko`rsetilgen bo`lmelerden basqa ja`nede, kletka kulturaları menen islew ushın arnawlı boksler bolıw kerek.

Bakteriologik, virusologik ha`m serologik laboratoriyalar to`mendegi a`spab 6skeneler menen ta`minlengen bolıwı kerek biologiyalıq , jaqtılıq beriushi, fazo-kontrast lyuminestsent, elektron mikroskoplar, termostat, anaerostat, sterillew ushın a`spablar, (avtoklav,qurıtıw shkafı), suw banyası, rN- metrler, distillengen suw tayarlaytug`ın a`spablar (distilyator), tsentrifugalar, texnik analitik ta`reziler, fil`trleytug`ın aspablar, (Zeyc fil`tri h.t.b), xolodil`nikler, bakteriologiyalıq ilmekler, shpateller, pintsetler, avtomatik mikropipetkalar, x.t.b. , laboratoriya
ıdısları,( probirkalar, kolbalar, Petri kesesheleri, matratslar, flakonlar, ampulalar, Paster pipetkası ha`m belgilengen pipetkalar) ha`m basqalar menen ta`miyinlenedi.
Laboratoriyada mikroskopiyalıq preparatlardı boyaw ushın arnawlı jay ajıratılg`an boladı. Bul jerde boyawlar eritpesi, spirt, kislotalar, reaktivler fil`tr qag`azı ha`m basqalar boladı. Ha`r bir jumıs ornında gaz yaki spirtli gorelkalar ha`m dezinfektsiyalawshı eritpe salıng`an shishe ıdıslar menen ta`miyinlenedi. K6ndelikli jumıs ushın laboratoriyada jeterli da`rejede azıqlı ortalıqlar, ximiyalıq reaktivler diagnostik preparatlar ha`m basqa kerekli zatlar bolıwı kerek.