Laboratoriya mashg`uloti №3 Mavzu

Laboratoriya mashg`uloti № 3
Mavzu: Zamburug`lar bo`limi. (Fitoftora, oq po`panak zamburug`i misolida)

Mavzu yuzasidan o`rganilayotgan zamburug`lar sistematik o`rni.

№	Zamburug`	Bo`lim	Sinf (ajdod)	Tartib (qabila)	Vakil
1	Fitaftora	Zamburug`lar. (Mycota)	Oomitsetsimonlar (Oomycetes)	Peronosporanamolar. (Peronosporale)	Fitoftora. (Phythophthora)
2	Oq po`panak (mukor)		Zigomitsetsimonlar. (Zygomycetes)	Mukornamolar. (Mucorales)	Mukor zamburug`i. (Mucor)

Ishdan maqsad: Zamburug`lar bo`limi Oomitsetsimonlar (fitaftora), hamda zigomitsetsimonlar (oq po`pak) sinfi vakillarining tuzilishi bilan tanishish.

Nazariy tushuncha:

Zamburug`lar tuban o`simliklar orasida eng katta guruh bo`lib, 100 mingdan ortiq turni birlashtiradi. Suvo`tlardan vegetative tanasining rangsizligi va xlorofillning yo`qligi bilan, bakteriyalardan esa tipik yadrosining borligi bilan farq qiladi. Ular geterotrof oziqlanishga moslashgan. Assimilyatsiya vaqtida zamburug`larning hujayrasida kraxmal emas, balki mochevina, glikogen hosil bo`ladi. Bundan tashqari hujayra devorlarida xitin to`planadi. Mana shu belgilari bilan zamburug`lar hayvonlar olamiga yaqin turadi. Substratdan oziqa moddalarni shimib oziqlanishi, o`simliklarga o`xshash yaxshi shakllangan hujayra qobig`I borligi va rivojlanish siklining asosiy qismida harakatsiz ekanligi o`simliklar olamiga kiritib o`rganishga asos qilib olingan.

Ularning vegetative tanasi gifa (gif,grekcha - to`qima) deb ataluvchi iplardan iborat, giflar o`z navbatida birlashib, mitseliylarni (mitseliy grekcha – myces –zamburug`) hosil qiladi. Ko`pchilik zamburug`lar substratdan oziqa moddalarni so`rib oluvchi giflarga o`xshash rizoidlar yoki hujayralardan oziqa moddalarni so`rib oluvchi gaustoriyalar hosil qiladi. Mitseliy tuzilishiga ko`ra hujayrasiz (bitta yirik hujayradan iborat bo`lib, ichida bo`g`inlar bo`lmaydi ko`p yadroli) va hujayrali (hujayra bo`g`inlarga bo`lingan bo`lib, alohida – alohida qismlarga ajralgan bir yoki ko`p yadroli) bo`ladi. Zamburug`lar vegetativ, jinssiz va jinsiy yo`llar bilan ko`payadi.