Лекция aralastiriw suyıqlıqtı aralastırıw usılları

t\n	Aralastırıw intensivligi
Gaz sarıpı, m^3/(m^2*mın)
1.	Pás	0,4
2.	Ortasha	0,8
3.	Joqarı	1,2

Pnevmatik aralastırıw usılınıń qollanıwı sheklengen boladı, sonıń ushın ayırım jaǵdaylarda zıyanlı processler, yaǵnıy oksidleniw yamasa ónimlerdiń puwlanıwı júz beriwi múmkin. Sonıń ushın, usı usıl gaz hám suyıq fazalar óz-ara soqlıǵısıwı ruxsat etilgen jaǵdaylarda qollanılıwı maqsetke muwapıq.

3.48-súwrette pnevmatik aralastırǵıshlardıń ayrıqsha konstrukciyaları keltirlgen. Eger, qısılǵan hawa qurılmanıń tómengi bólegine jiberilse, onda erlift payda boladı (3.48a-súwret). Hawa qurılmanıń qánsheli joqarı bólegine jetkerilse, sonsheli dárejede qısıw ushın energiya sarıpı az boladı. Sonıń ushın, hawanı biyikligi az qatlamlarǵa jiberiw kerek, yaǵnıy pnevmatik aralastırıw ushın diametri úlken, biyikligi kishi bolǵan qurılmalardı qollanıw maqsetke muwapıq.

Pnevmatik aralastırıw processin intensivlew ushın qurılmalarda gazlift (erlift) trubaları ornatıladı. Usı trubalar suyıqlıqtı kóp mártebe sirkulyaciya qılıwdı támiyinleydi (3.48b-súwret). Bunıń ushın, eki tárepi ashıq gazlift truba qurılma orayına jaylastırıladı. Qısılǵan hawa gazlift trubası ishine jiberiledi hám kóteriliwshi aǵım qansheli úlken bolsa, aralasıw sonsheli ónimlı boladı.

Jıllılıq jetkerip beriw hám ajıratıp alıw ushın gazlift hám oraylıq sirkulaciya trubalı qurılmalar tayarlanǵan (