Лекция aralastiriw suyıqlıqtı aralastırıw usılları

Statikalıq aralastırıw. Jabısqaqlıǵı ortasha suyıqlıq, hámde gaz suyıqlıq penen aralastırıw qandayda bir fazanıń kinetikalıq energiyasınıń esabınan statikalıq aralastırǵıshlarda alıp barıladı (3.48-súwret).

Ádette, statikalıq aralastırǵıshlar reaktorǵa shekem bolǵan trubaprovod trubasına yamasa tuwrıdan tuwrı reaktordıń ózine ornatıladı. 3.50a-súwrette gaz hám suyıqlıqlardı aralastırıw ushın arnalǵan simmetriyalı bolmaǵan, ligirlenǵan polat plastinalardı buraw jolı menen alınǵan jasama elementli aralastırǵısh súwretlengen.

Hár bir elementtıń geometriyalıq xarakteristikaları buraw múyeshı hám baǵdarı, hámde aralastırılıp atırǵan suyıqlıqlar jabısqaqlıǵı qatnasına baylanıslı. Eger, suyıqlıq hám fazalar ortasındaǵı jabısqaqlıqlar parqı qansha úlken bolsa, sonsheli kóp elementler ornatılıwı kerek.

3.50 b-súwrette may-fosfatidli emulyaciyanı islep shıǵarıw ushın arnalǵan uyırmelı emulsor kórsetilgen. Basım 0,3...0.36 MPa bolǵanda, úyirmeli emulsor joqarı ónimli emulgaciya qılıwdı támınleydı. Bul túrdegi qurılmalar ápiwayı, tayarlanıwı ańsat hám paydalanıwǵa qolay. Islew principi-oraydan qashıwshı búrkegish effektine tiykarlanǵan. Alınǵan 3mkm ólshemli bólekshelerden payda bolǵan emulsiya 24-saat dawamındada qatlamlarǵa ajıralmaydı.