Ловия систематикаси ва морфологияси

М ош – бир йиллик ўтсимон ўсимлик, илдизи ўқилдиз, тупроқнинг чуқур қатламларигача кириб боради, сершохли, туганаклари яхши ривожланади, пояси ўтсимон, тик ўсади, яхши шохланади. Барги учтали, тоқ патсимон. Майсаси майда, биринчи барги лентасимон, сертукли, гули икки жинсли, йирик, бинафша сариқ- яшил рангли барг қўлтиқларида жойлашади -5-10 та бўлиб дуккаги ингичка, цилиндрсимон, тўғри ёки эгилган, тумшуқсиз, узунлиги 6-10 см, 6-15 та уруғ бўлади. Етилган дуккаклар жигар рангли, чатнайди. Дуккаги ва ўсимлик тук билан қопланган бўлади. Уруғи майда, понасимон, цилиндрсимон, яшил, сариқ, қора рангли, узунлиги 3-6 мм, 1000 та уруғининг вазни 40-80 г бўлади.
Навлар:
1 . Победа-104 –Пояси тўғри ўсади, баландлиги 30-50 см, бўлиб, ён шохлари осилиб туради. Барглари йирик, гуллари йирик, тилласариқ рангли. Дуккаги узун, цилиндрсимон. Уруғи йирик, ялтироқ, цилиндрсимон, оч яшил рангли, 1000 тасининг вазни 70-80 г келади. Бу нав эртапишар, баҳорда экилганда 90-100 кунда, такрорий экин сифатида экилганда 75-90 кунда етилади. Дони қайнатилганда яхши пишади. Касаллик ва зараркунандаларга чидамли. Ўртача 19-20 ц/га ҳосил олинади.
2. Радость – Ўзбекистон шоличилик ИТИда яратилган дурагайлаш усули билан ўта тезпишар, 72-76 кунда етилади. Тупи тик ўсади, баландлиги 65-70 см бўлади. Гули ўртача, сариқ дони ўртача, яшил, уруғ кертиги оқрангли, 1000 та уруғнинг вазни 56-60 г. Дон ҳосили 20-22 ц/га. Доннинг таркибида 29% оқсил бўлади. Ҳосил механизация ёрдамида йиғилади.
3. Наврўз –Ўсув даври 95-100 кун ёзда экилса 10-15 кунга қисқаради. Дуккаги узун, дони яшил, 1000 тасининг вазни 60-65 г,ҳосилдорлиги 20-22 ц/га.


Назорат учун саволлар

1. 
   Ловияни келиб чиқишига кўра гуруҳларини айтинг?
   
2. 
   Ловия қайси оилага мансуб?
   
3. 
   Ловиянинг навларини айтинг?