M. A. Xujamberdiyev

---

M. A. XUJAMBERDIYEV, 
A.A. MIXAILOV, 
N. S. MAMASOLIYEV 
ICHKI 
KASALLIKLAR BO‘YICHA 
TIBBIY MASALALAR 
O‘zbekiston Respublikasi Oliy va o‘rta 
maxsus ta’lim vazirligi tibbiyot 
institutlari talabalari uchun o‘quv 
qo‘llanmasi sifatida tasdiqlagan 
Toshkent 
Ibn Sino nomidagi 
nashriyot-matbaa birlashmasi 
1994 

---

54.1 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Xo‘jamberdiyev M.A. va boshq. 
Ichki kasalliklar bo‘yicha tibbiy masalalar: Tibbiyot institutlari talabalari uchun o‘quv 
qo‘llanma. M. A. Xo‘jamberdiyev, A. A. Mixaylov, N. S. Mamasoliyev.— T.: Ibn Sino 
nomidagi nashriyotmatbaa birlashmasi, 1994.— 143 b. 
I. 1,2 Avtordosh. 
O‘quv dasturiga muvofiq tuzilgan ushbu qo‘llanmada 80 ga yakin mavzu va unga doir 
masalalar bayon qilingan. Talabalar ana shu masalalarni yecha olishlari uchun avvalo bayon 
qilingan mavzuni tushuna bilishlari zarur. Mualliflar tibbiy masalalarni to‘g‘ri ishlata bilishga 
oid ishonarli materiallar keltirishgan. 
Tibbiyot institutlari talabalari uchun mo‘ljallanadi. 
54.1YA.72
4S08040000—020
M354(04) — 94 
ISBN 5-638-01073-4 
© Ibn Sino nomidagi nashriyot-
matbaa birlashmasi, 1994. 

---

KIRISH 
Tibbiy muassasalarda talabalarning mustaqil ish faoliyatini faollashtiradigan omillardan 
eng asosiysi ularni bemorlar va o‘quv adabiyotlari bilan ishlashini to‘g‘ri tashkil qilishdir. 
Talabalarning bemorlar bilan ishlashga tayyorgarlik darajasini aniqlab beradigan usullardan biri 
amaliy mashg‘ulotlarda tibbiy masalalardan keng foydalanishdir. 
Tavsiya etilayotgan qo‘llanmada 80 ta mavzu va unga oid masalalar bayon etilgan. Ichki 
kasalliklarga oid masalalar III, IV, V va VI kurs talabalariga mo‘ljallangan. Metodik qo‘llanma 
davolash fakultetlari (III, IV, V va VI kurs). talabalariga moslab tuzilgan, ish dasturiga to‘la 
muvofiq keladi va uni aks ettiradi. 
Talabalar masalalarni yecha olishlari uchun avvalo bayon etilgan mavzuni tushuna 
bilishlari kerak. Har bir masalaga oid 2—3 savoldan loaqal bittasiga to‘g‘ri javob topishlari 
shart. 
Ushbu tibbiy masalalar to‘plami ilgari chiqarilgan qo‘llanmalardan quyidagilar bilan 
tafovut qiladi: 
1. Qo‘llanma ichki kasalliklarning barcha tartibotlarini (III, IV, V, VI kurs dasturiga mos 
ravishda) qamrab olgan. 
2. Masalalar turli-tuman tasBirlar orqali ham bayon etilgan va shunga qarab ularning 
to‘g‘ri yechimi talab qilingan. 
3. Talabalarning javoblari asoslangan bo‘lishi talab qilinadi. 
Ichki kasalliklar fanining o‘ziga xos tomonlaridan biri shuki, bu fan biror xastalikni 
aniqlash va uni davolash uchun bir necha xil tekshirish usuli va davolash choralari qo‘llashni 
o‘rgatadi. 
Shuning uchun ham bayonnomada ko‘zda tutilgan javoblar albatta ko‘shimcha izohlar 
bilan boyitiladi. Masalan, ma’lum sharoitda zarur va maqbul bo‘lmagan javoblar ham 
qo‘llanmada keltirilgan. Tibbiy masalalar to‘plamini tuzishda ularni aniq va tushunarln 
bo‘lishiga axamiyat berilgan. 
Keltirilgan tibbiy masalalar avvalo talabalar uchun muljallangan, lekin ularning ayrim 
chuqurroq mazmunda berilgan shakllari vrachlarga internalarni o‘qitishda qo‘l keladi. Amaliy 
tibbiyot sohasida ishlovchi vrachlarning malakasini oshirishda soddaroq, tibbiyotga oid 
topishmoqlardan va turli-tuman kiyin masalalardan foydalanish mumkin. 

---