M. A. Xujamberdiyev

 
BRONXLAR OBSTRUKSIYASINI DIFFERENSIATSIYA
QILISH
20-masala.
Shisha puflovchi 42 yoshli bemor G. kuchli yo‘talib, nafasi qisilishi 
(hansirash)dan shikoyat qiladi. Yo‘talga qarshi va bronxlarni kengaytiruvchi dorilar qabul qilgan, 
ammo ular foyda bermagan. Allergiya belgilari ko‘rinmaydi. Eshitib ko‘rilganda nafas chiqarish 
buzilgan, hushtakli, uzoq masofadan eshitiluvchi quruq xirillashlar aniqlangan. Tashqi nafas 
funksiyasi spirogrammada tekshirilganda o‘pkaning havo sig‘imi va qoldiq havo sig‘imi 
o‘zgarmagan. 
1. Ko‘rsatilgan tashxislarning qaysi biri to‘g‘ri? 
a) bronxial astma; 
b) astmatoidli bronxit; 
v) o‘pka raki; 
g) birlamchi o‘pka emfizemasi; 
d) traxeyaning ekspirator torayishi. 
2. Tashxisni tasdiqlash uchun qanday qo‘shimcha tekshirishlar o‘tkazish kerak? 
21-masala.
Vazomotor riniti bor, toshma toshgan va yuqori nafas yo‘llari yallig‘langan 
bemor nafas qisishidan va quruq yo‘taldan shikoyat qilgan. Tetrasiklin ichganda terisiga toshma 
toshib, qichishishi aniqlangan. O‘pka eshitib ko‘rilganda nafas chiqarishi cho‘zilgan, yotqizib 
ikkala o‘pka eshitib ko‘rilganda hushtaksimon quruq xirillash eshitilgan. Tifno ko‘rsatkichi — 
50%. Berotek bilan ingalatsiya qilingandan keyin Tifno ko‘rsatkichi — 55% bo‘lgan. Qondagi 
eozinofillar soni — 12%, leykotsitlar 11X109/l ga teng. 
1. Bronxospazmaga nima sabab bo‘lgan? 
a) bronxlarning qisilishi; 
b) bronxlarning quyuq balg‘am bilan berqilishi; 
v) shilliq qavatlarning allergik yallig‘lanishi; 
g) shilliq qavatlarning infeksiyali yallig‘lanishi; 
d) hamma mexanizmlar ishtirok etgan. 
2. Qanday davolash usulini to‘g‘ri deb hisoblaysiz? 
22-masala. 
Surunkali obstruktiv bronxiti bor bemor bo‘limda me’da yara kasalligi 
kaytalanishidan davolanmoqda. Bemorga atropin tayinlangan. Bemorni qiynalib ajraluvchi 
balg‘am, yo‘tal, kuchli hansirash va yuqori harorat (37,8°S) bezovta qiladi. Bemorning ko‘pgina 
dorilarga va ovqat mahsulotlariga alleriyasi bor. Surunkali bronxitni parhez va antibiotiklarda» 
tashqari boshqa usullar bilan davolash muxokama qilinmoqda. 
1. Bu kasallikni davolashda qaysi davolash usulini qo‘llash mumkin? 
a) tripsin bilan ingalatsiya qilish zarur; 
b) atsetilsistein bilan ingalatsiya qilish kerak- 
v) kodein berish kerak; 
g) bromgeksin berish lozim; 
d) atropin berish kerak.