Маданий мерос объекти

МАДАНИЙ МЕРОС ОБЪЕКТИ
ПАСПОРТИ						Маданий меросни асраш умумхалқ ишидир!
Кўрсаткичлар	Маълумотлар		6. Тарихий маълумотлар	7. Ёдгорлик тавсифи
1. Ёдгорликнинг номи	- УЛЛИ ҲОВЛИ -		“Улли ҳовли” Ғойбу қишлоғида жойлашган. Бу ўвва – (туркманча оба) “Олауйлик” деб аталади. Мунис Олауйлик ҳақида қуйидагича ёзиб қолдирган: - “Хивақда қолган туркманлар орасида Олабелукли (Олауйлик) тўпар уйи бор эди. Илк фарзанди бўлганлар Хивада қолдилар”. Олауйлик – XI-XII асрларда пайдо бўлган Алабелук этнонимининг бир кўриниши деб айтиш мумкин. Хўжамберди Божимон даврида Олауйлик ҳудудида 100 хоналик катта бино қурилиши бошланган. Уни Улли (катта) Ҳовли деб атаганлар. Унда 15 оила яшаган. “Улли Ҳовли” 1873-74 йилларда қурилганлиги ҳовлининг Бош пештоқ қисмидаги, асосий кириш жойи ҳисобланган, баландлиги 4,0 м бўлган ёғоч дарвозага ўйиб ёзилган. 2009 йил 10 март куни Хоразм Маъмун академияси илмий ходимлари (А.Абдурасулов, К.Худайберганов, Ш.Матрасулов, Г.Дурдиева, М.Абуллаев, Э.Салаев) ва Урганч Давлат университети олимлари (А.Аҳмедов,З.Дўсимов) Улли Ҳовли тарихий меъморий ёдгорлигини илмий тадқиқ қилиш учун обиданинг техник ҳолатини натура ҳолида ўргандилар ва тарихий маълумотларга оид материаллар тўпладилар. Ҳозирги даврга келиб ҳовлининг сақланиб қолган катта-кичик хоналари сони – 35 та. Ушбу ҳовлининг ташқи ва ички деворлари тўла ҳолда пахсадан тикланган. Қурилиш материали учун маҳаллий хом-ашёлардан асосан соз тупроқ ва ёғоч – “болор”лар ишлатилган. Ҳовлининг умумий ўлчами – 107,58х64,06м ва 110,09х65,71 м бўлиб, режа бўйича ҳовли трапеция шаклига яқин бўлиб тикланган. Улли ҳовли 2017 йил ва 2018 йил 25 апрелгача бўлган муддатда қайта таъмирланди ва “Туркман –ўзбек дўстлик уйи”, унинг олдида Махтумқули ҳайкали бунёд қилинди.Таъмирланишдан кейин Уллиҳовлига сайёҳларнинг келиши учун зарур шароит ва имкониятлар яратилди.2018 йил 25 апрел куни Ўзбекистон президенти Ш.Мирзиёев ва Туркманистон президенти Г.Бердимуҳаммедовлар Хоразмга ташрифи давомида Улли ҳовлига ҳам келиб Дўстлик уйининг очилиши ва ушбу қаъла билан танишдилар.Ҳозирда Улли ҳовли сайёҳлик йўналишига киритилган манзиллардан бири.