Магистр диссертацияси мавзуси Илмий фаолият – web тизими иш жараёнини моделлаштириш ва дастурий таъминотини ишлаб чиқиш Илимий искерлик

Мавзунинг асосланиши ва долзарблиги. Жамиятимизнинг турли жавхаларида АКТ воситаларнинг жадал татбиқ этилиши, бугунги кунда нафақат ҳалқ хўжалиги соҳалари балки, давлат бошқарувида ҳам муҳим кундаликли восита сифатида қаралмоқда. Жумладан, таълим соҳасида АКТ жорий этилиши орқали ОТМларида автоматлашган иш ўринларини яратиш, таълим жараёнининг турли соҳаларини режали назоратини ўрнатиш долзарб масалалардан бири бўлиб бормоқда. Жумладан, ОТМ профессор-ўитувчиларининг илмий фаолиятини назоратини амалга ошириш учун, профессор-ўитувчилар томонидан эълон қилинаётган илмий ишлар ҳақида маълумотлар жамлаш, алмашиш ва жамланган маълумотлар асосида рейтингни жорий қилиш йўлга қўйиш муҳим масалалардан бири саналади. Янада аниқроқ қилиб айтганда, таълим соҳасида пайдо бўлаётган ахборотлар оқимини бошқариш ва улардан оқилона фойдаланиш бугунги куннинг долзарб масалалардан ҳисобланади.
Тадқиқот объекти ва предмети: Тадқиқотнинг объекти сифатида олий таълим муассасалари профессор-ўқитувчиларининг илмий йўналишдаги фаолияти қаралган.
Тадқиқотнинг предметини олий таълим муассасалари профессор-ўқитувчиларининг илмий рейтингини ҳисоблашга йўналтирилган усуллар, жараён моделлари ва алгоритмлари негизида ишлаб чиқилган web тизим ташкил этади.
Тадқиқот ишининг мақсади: Олий таълим муассасалари профессор-ўқитувчиларининг илмий фаолиятини кузатиш ва баҳолаб боришни таъминлашга қаратилган маълумотлар базалари ва ахборот тизимларини яратиш, тармоққа уланиши, дастурий қисми ва ахборот хавфсизлиги талабларини ўз ичига оладиган ташкилий ва техникавий талабларни ишлаб чиқишдан иборат.
Тадқиқот ишининг вазифалари
ОТМ профессор-ўқитувчилар томонидан эълон қилинаётган илмий ишларни рўйхатга олиш тизими ахборот модели ишлаб чиқилади;
Ишлаб чиқилган ахборот моделлари асосида алгоритм ва дастурий восита ишлаб чиқилади;
ОТМ профессор-ўқитувчилари илмий ишлари ахборот тизими WEBга йўналтирилган дастурлаш технологияларига асосланиб ишлаб чиқилиши натижасида, тизимга ихтиёрий қурилма ва ҳохлаган нуқтадан мурожаат қилиш имконияти яратилади;