Makkai sharif

2. Bakka. 
«Albatta odamlar ibodat qilishlari uchun qurilgan birinchi uy Makkadagi muborak Ka’badurki…..» (Oli Imron surasi, 96-oyat). Bakkaning lug’aviy ma’nosi «buzish, ajratish, bekor qilish, iftixorni rad qilish, pasaytirish, bo’ysundirish» deganidir.Makkaning Bakka deb nomlanishiga sabab – u erda odamlarning izdihom qilib to’planishi yoki Makka zo’ravonlarining bo’yinlarini egishidir. Zero, Alloh taolo zo’ravonning g’ururini sindirganidan keyingina u Makkani qasd qiladi.Yo bo’lmasa Makka mutakabbirlarining g’ururini pasaytirishdir.
3.Ummul-Quro. 
«Bu (Qur’on) bir muborak, o’zidan oldingi kitoblarni tasdiqlaydigan, barcha qishloqlarni (va shaharlarning) onasi – markazi bo’lmish (Makka ahlini) hamda uning atrofidagi kishilarni (oxirat azobidan) ogohlantirishingiz uchun O’zimiz nozil qilgan Kitobdir» (An’om surasi, 92-oyat) va yana sho’ro surasining 7-oyatida ham shu kabi kelgan. Makka – qishloqlarning onasi. Bunday deb nomlanishi haqida to’rtta so’z bor: Birinchi – chunki yer Makkaning pastki qismidan tekislangan. U yerning kindigida va dunyoning o’rtasidadir. Ya’ni, yer kurrasi sathidagi quruqlikdir. Makkai mukarrama atrofida nizom tartib bilan taqsimlangan.Makka quruq erning markazi hamda er kurrasi sathidagi barcha shaharlardan namoz uchun yuzlaniladigan tomondir. Ilmiy falakiyot tadqiqotlari Makkai mukarrama ko’ksiga bino etilgan Ka’ba Erning markazida, deb isbotlagan. Ikkinchi – chunki u eng qadimiydir. Uchinchi – chunki u barcha odamlar yuzlanadigan qibladir. To’rtinchi – chunki u sha’ni jihatidan qishloqlarning eng buyugidir.
4.Al-Balad.
Ibrohim aytgan edi: «Parvardigorim, bu shaharni (ya’ni, Makkani) tinch shahar qilgin» (Ibrohim surasi, 35-oyat). Va yana Balad surasining 1–2-oyatlarida ham «balad» so’zi vorid bo’lgan. Bu erda «balad» so’zidan maqsad Makkadir.
5.Baladul-amin.
«Mana shu tinch-osoyishta shaharga qasamki…» (Tiyn surasi, 3-oyat). Ibn Javziy: «Bundagi shahar Makkai mukarramadir. Johiliyatda ham, Islomda ham qo’rqoqlar bu shaharda omon yurishgan», deganlar.
6.Baldatu.
«(Ey Muhammad! Ularga ayting.) Men faqat mana shu shaharning Parvardigorigagina ibodat qilishga buyurilganman» (Naml surasi, 91-oyat). Ibn Javziy: «U Makka shahri», deb aytganlar.