Маълумот сирдарё вилояти Ховос туманида қишлоқ хўжалигида фойдаланишдан чиқиб кетган жами ер майдони 1742,3 гектар

Сирдарё вилояти Ховос туманидаги қишлоқ хўжалигида фойдаланишдан чиқиб кетган ер майдонлари ҳамда бу майдонларга мева ва ток экинларини жойлаштириш бўйича
МАЪЛУМОТ

Сирдарё вилояти Ховос туманида қишлоқ хўжалигида фойдаланишдан чиқиб кетган жами ер майдони 1742,3 гектар бўлиб, шундан, катта қисми туманнинг Чамбил, Бобур, Пахтакор ва қисман Фарход СИУ ларига тўғри келади.

Сирдарё вилояти ҳудудлари гидроморф ва яримгидроморф тупроқли бўлиб, асосан, бўз-ўтлоқи ва ўтлоқи-бўз тупроқлар ҳисобланади. Ховос тумани тупроқлари ҳам суғориладиган оч тусли бўз тупроқлар бўлиб, бу тупроқлар тош-шағал ётқизиқлари устида тарқалиб, бутунлай суғорма деҳқончиликка тортилган, лекин ҳамма жойда ҳам улар қишлоқ ҳўжалигига яроқли эмас. Мирзачўлни оммавий суғориш жараёнида бир қисм бу тупроқлар гидроморф ривожланишга, бир қисми автоморфдан ярим гидроморф ривожланиш босқичларига ўтиб кетмоқда.
Ховос туманинг Пахтакор, Чамбил ва Беш йиллик СИУ ҳудудларда сизот сувларини кўтарилиши ва қуйи қатламни кучли намланиши оқибатида шўрланишига мойиллиги юқори тупроқлар ҳисобланади. Шўрланиш даражасига кўра ҳудудлар тупроқлари кучли, ўртача ва кучсиз шўрланганлиги аниқланди.
2020 йил 24 декабрда Сирдарё вилояти Ховос туманидаги Чамбил, Фарход ва Бобур СИУ фойдаланишдан чиқиб кетган ер майдонлари ўрганиб чиқилди.
Ховос туманинг ҳудудидаги боғлар кўздан кечирилганда 2,0 гектар майдонда “Ховос анорзорлари” ф/х боғлари, 4,0 гектар майдондаги “Обод ўлка боғи” боғлари самарасиз ҳолатда келиб қолгалиги аниқланиб, уларнинг ўрнида интенсив типдаги, юқори ҳосилли олма, гилос, олхўри каби мевали боғлар ҳамда узумнинг хўраки навларини экиш тавсия қилинади.
Ховос туманинг Чамбил, Бобур, Мустақиллик 5 йиллиги, А.Темур, Пахтакор, Фарход СИУ худудларида қишлоқ хўжалигида фойдаланиладиган ерларида, хомашё сифатида ғўза ҳамда ем-хашак экини сифатида беда ва бошқа экинлари етиштирилаётганлиги маълум бўлди. Қишлоқ хўжалигида фойдаланишдан чиқиб кетган ерлари самарасиз бўлиб, бугунги кунда ташландиқ ҳолатга келиб қолган. Ушбу ерлардан самарали фойдаланиш мақсадида ушбу ер майдонларда босқичма-босқич мевали экинлардан – олманинг (Голден Делишес, Ренет Симиренко, Старкримсон) анорнинг (Туятиш, Казаке-анар, Ачиқ-дона) ва ўрикнинг (Н.Юбиленый ва Субҳони), ҳамда узумнинг хўраки (Ризамат, Ҳусайни, Тойфи розовый) навлари асосида боғ-токзорларнинг барпо қилиш мумкин.