Маъруза-2: Йирик панель уйсозлиги

5-расм. Йирик панель деворларнинг горизонтал чоклари:
а - контактли чок; б - платформасимон чок; в - комбинацияланган чок; г – монолит чок. 1 - ташқи девор панели; 2 - ёпма плитаси; 3 - ички девор панели;
4 - цемент-қум қоришмаси; 5 - эластик қистирма.
Шпонкасиз вертикал чокларда панелларнинг ўзаро туташган ён сирти бутун баландлик бўйича бир хил (одатда текис) шаклга эга бўлади (6-расм, а).
Шпонкали вертикал чокларда эса панелнинг ёнида махсус ўйиқ (шпонка) лар қилинади (6-расм, б). Чок бетон ёки қоришма билан тўлдирилгандан сўнг ўйиқларда ҳосил бўладиган шпонкалар панеллар бир-бирига нисбатан силжиганда ҳосил бўладиган зўриқишларни қабул қиладилар. Вертикал чокларнинг профили (бичими) ва шпонкаларнинг шакллари турлитуман бўлиши мумкин. Шпонкали чоклар бетон ёки темирбетон чок бўлиши мумкин. Темирбетон чокларда кўндаланг ва бўйлама арматура бўлади. Бундай чоклар асосан биноларнинг зилзила-
бардошлигини ошириш мақсадида сейсмик ҳудудларда қўлланилади.
Шпонкасиз ва бетон шпонкали вертикал чокларда чўзилишда ҳосил бўладиган зўриқишларни махсус пўлат боғловчилар қабул қиладилар. Вертикал чокларда қўлланиладиган пўлат боғловчи элементларнинг жуда кўп турлари мавжуд.Улардан зилзилали худуд бўлганлиги учун Ўзбекистонда асосан илгакли-скобали (6-расм, а) ва шпонкали темирбетон боғловчилар (6-расм, б) қўлланидади.
Боғловчиларнинг қолган пайвандланадиган, болтли, қулфсимон, "қалдирғоч думи" каби турлари носейсмик худудларда қўлланилишлари мумкин.
Сувдан ҳимоя қилиш систамасига қараб вертикал чокларни қўйидаги турларга бўлиш мумкин: ёпиқ, дренажли ва очиқ чоклар (7-расм).

6-расм. Йирик панель деворларнинг шпонкасиз (а) ва шпонкали (б)
вертикал чоклари; 1 - шпонка ҳосил қилувчи бетон.

7-расм. Йирик панель деворлардаги пўлат боғловчилар:
а -илгакли-скобали боғловчи; б -шпонкали темирбетон боғловчи; 1 -ташқи девор панели; 2 -ички девор панели; 3 -илгак; 4 -скоба; 5 - чиқиб турадиган арматура; 6 - узлуксиз вертикал арматура; 7-бириктирувчи арматура стержни.