Маъруза матни мавзу: №5 “Хизмат вазифаларини бажариш бўйича командир (бошлиқнинг)нинг иш тартиби” Тошкент – 2021 «тасдиқлайман» касбий-жанговар тайёргарлик кафедраси бошлиғи ш

Командир-жангни ташкилотчисидир.
Унинг буйруқларда, командаларида, кўрсатмаларида ифодаланган иродаси, бўлинмаларни ҳаракатга келтиради, уларга янада қулай жанговар тартиб беради, фаолиятини душман устидан ғалаба қилишга йўналтаради.
Гуруҳ командири жангни, одатда, жойларда ташкил этади, агар буни иложи бўлмаса бошланғич (дастлабки) районда харита ёки жойнинг макетида ташкил этади. Бундай ҳолатларда гуруҳ командири секцияларга (танкларга) ва берилган воситаларга жанговар вазифани атакага ўтиш рубежига ҳаракатланаётган пайтда жойларни ўзида аниқлаштиради.
Жанговар гуруҳ командири гуруҳни радио орқали, овоз билан команда қилиб, сигнал бериш воситалари орқали, баъзан эса, ҳаракатларни «мен бажарган-дек бажар» принципи асосида бошқаради.


1. Жанговар вазифа олганда гуруҳ командирининг иш тартиби.
Гуруҳ комамдирининг жангни ташкил этиш бўйича ишлари юзага келган жанговар вазиятга, олинган жанговар вазифага ва уни бажариш учун тайёргарлик кўришга вақт мавжудлигига тўғридан-тўғри боғлиқ бўлади. Ҳар қандай ҳолатларда ҳам командир катта командирларнинг кўрсатмасини ва улардан вазифа олишни кутмасдан, қурол-яроғ ва жанговар техникани жангда қўллашга, шахсий таркибнинг жанговар вазифани бажаришга тайёрлашни ташкил этиши керак.
Командир жангни ташкил этиш ишларини бошлаши билан амалга ошириладиган тадбирларни ва уларни ўтказиш муддатини белгилаб олади.
Гуруҳ командирининг жангни ташкил этиш бўйича ишлари жанговар вазифа олишдан бошланади.
Одатда, у қуйидаги кетма-кетликда амалга оширилади:

• 
  олинган вазифани аниқлаштириш (тушуниб олиш);
  
• 
  вазиятни баҳолаш;
  
• 
  қарор қабул қилиш;
  
• 
  жойларда иш олиб бориш (қарорни аниқлаштириш);
  
• 
  жанговар буйруқ бериш;
  
• 
  ҳамкорликни, бошқарувни ва жанговар таъминотни ташкил этиш;
  
• 
  шахсий таркибнинг, қурол-яроғ ва жанговар техниканинг жангга шайлигини текшириш;
  
• 
  гурухнинг жанговар вазифани бажаришга тайёрлиги тўғрисида взвод командирига билдирув бериш.