Ma’ruzalar kursi

Kapital migratsiyasi deganda kattarok foyda olish maqsadida bir mamlakatdan boshqasiga kapitalni ko’chirish tushuniladi.

Xalqaro kapital migratsiyasi tavsiflovchi ko’rsatkichlar:

1. 
   Investitsiya portfeli salmog’i = Xorijiy investitsiyalarnig salmog’i: mahalliy investitsiyalar salmog’i;
   
2. 
   Bevosita investitsiya salmog’i = Xorijiy investorning aktsionerlikdagi salmog’i : maxalliy korxonaning aktsionerlik kapitalidagi salmog’i;
   
3. 
   Xorijiy kredit salmog’i = Xorijiy kredit summasi : jami kredit summasi.
   

Portfel investitsiya deganda xorijiy investorning kompaniya aktividagi hissasining ushbu mamlakatda mazkur kompaniya uchun o’rnatilgan xissadan past bo’lgan investittsiya tushuniladi.

Agar chet el investitsiyalari investorlariga korxona ustidan nazoratni ta’minlash xuquqini bersa, ular bevosita (to’g’ri) investittsiyalar hisoblanadi.

Xalqaro ishchi kuchi migratsiyasi deganda, mehnatga layoqatli aholining ish qidirib bir mamlakatdan boshqa mamlakatlarga ko’chib yurish tushiniladi.

Xalqaro ishchi kuchi migratsiyasi quyidagi ko’rsatkichlar bilan tavsiflanadi:

1. 
   Ishchi kuchini eksport qilish koeffitsienti = CHet ellarga jo’natilganlar soni : Mehnat resurslarini o’rtacha soni.
   
2. 
   Ishchi kuchini eksport qilish indeksi = Ishchi kuchini eksport qilish koeffitsienti 1 : Ishchi kuchini eksport kilish koeffitsienti.
   

Tashqi iqtisodiy aloqalar schyotlari, ya’ni tashqi dunyo mamlakatlari schyotlari o’zining tarkibiy jihatidan mamlakatning ichki iqtisodiyotida qo’llaniladigan schyotlaridan deyarli farq qilmaydi. Ular quyidagi tashqi schyotlarini o’z ichiga oladi.

• 
  tovar va xizmatlarning
  
• 
  birlamchi daromadlar va joriy transfertlarning
  
• 
  jamg’armaning
  
• 
  aktivlar va majburiyatlarning tashqi schyoti.
  

Tovar va xizmatlarni tashqi schyoti foydalanish yo’nalishlari va resurslar bo’yicha hisobga olib boriladi. Foydalanish yo’nalishlariga shu tovar va xizmatlarning eksporti, resurslarga esa ularning importi haqidagi ma’lumotlar qayd qilinadi.