Mashg‘ulot uchun tayyorlangan vositalarni

Pedagogik oʻyinlarning asosiy belgilari. G.K.Selevkoning pedagogik 
oʻyinlar tipologiyasi
Pedagogik maqsadda foydalanilayotgan oʻyinlar oʻyin texnologiyalari deb 
nomlanadi. 
Oʻyin texnologiyalari (oʻyin ta’limi) 
– ijtimoiy tajribalarni oʻzlashtirishning 
barcha koʻrinishlari: bilim, koʻnikma, malaka hamda hissiy-baholovchi faoliyat 
jarayonini hosil qilishga yoʻnaltirilgan shartli oʻquv vaziyatlarini ifodalovchi Shaxsga 
yoʻnaltirilgan ta’lim (pedagogik texnologiya) turlaridan biri.
Oʻyin texnologiyalari ta’lim oluvchilarni muayyan jarayonga tayyorlash, ularda 
ma’lum hayotiy voqelik, hodisalar jarayonida bevosita ishtirok etish uchun dastlabki 
koʻnikma, malakalarni hosil qilishga xizmat qiladi. Ta’lim jarayoni ishtirokchilari 
(ta’lim oluvchilar, ota-onalar, pedagogik jamoa a’zolari, ta’lim muassasalarining 
rahbarlari, jamoatchilik tashkilotlarining vakili va boshqalar) sifatida turli rollarni 
bajarish talaba (oʻquvchi)larga pedagogik faoliyat mazmuni bilan yaqindan tanishish 
imkoniyatini yaratish asosida ma’lum faoliyatni samarali tashkil etishga nazariy, 
amaliy va ruhiy tayyorgarlikka erishish nuqtayi nazaridan yordam beradi.
Oʻquv mashg‘ulotlarida oʻyinlar va oʻyinli vaziyatlarni qoʻllash quyidagi 
asosiy yoʻnalishlarda amalga oshiriladi
- didaktik maqsad talabalar oldiga oʻyinli topshiriq shaklida qoʻyiladi;

---

330 
- oʻquv faoliyati oʻyin qoidalariga boʻysundiriladi;
- didaktik oʻquv materialdan oʻyin vositasi sifatida foydalaniladi;
- oʻquv faoliyatida didaktik vazifani oʻyin vazifasiga aylantiruvchi musobaqa 
elementi qoʻllaniladi;
- muvaffaqiyatli bajarilgan didaktik topshiriq oʻyin natijasi sanaladi
Oʻquv jarayonida oʻyin texnologiyalarining oʻrni, roli, shuningdek, oʻyin 
elementlari hamda ta’limning oʻzaro uyg‘unligi koʻp jihatdan oʻqituvchi tomonidan 
pedagogik oʻyinlar mohiyati, funksiyasi va turlarining qanchalik tushunilishi bilan 
belgilanadi. Aksariyat pedagogik oʻyinlar oʻzida quyidagi belgilarni namoyon qiladi: 
Har qanday oʻyinlar kabi pedagogik jarayonlarda foydalaniladigan oʻyinlar 
ham oʻzining aniq maqsadi va natijasiga ega boʻladi.
Ta’lim muassasalarida koʻp holatlarda rolli va kasbiy xarakterga ega 
ishbilarmonlik 
oʻyinlaridan foydalaniladi. Muhimi pedagogik maqsadlarda 
qoʻllaniladigan oʻyinli texnologiyalarining asosini talabalarning