|
Shuhrat RAXMANOV,
Adliya vazirligi qoshidagi YUristlar
malakasini oshirish markaqzi dotsenti,
yuridik fanlar nomzodi
Nashr etmoq
Rated 4.75 stars out of 5
Noshirlik faoliyatida qanday o'zgarishlar bo'ladi?
Ijtimoiy hayot2 Mart 20215482
Matn: Баҳор Хидирова
Bugun Oliy Majlis Qonunchilik palatasida deputatlar “Noshirlik faoliyati to'g'risida”gi qonun loyihasini ikkinchi o'qishda ko'rib chiqdilar. Ta'kidlanganidek, amaldagi O'zbekiston Respublikasi “Noshirlik faoliyati to'g'risida”gi Qonuni bundan chorak asr avval – 1996 yilda qabul qilingan, 16 moddadan iborat edi. Keyingi globallashuv jarayonlari zamonaviy ilg'or tajribalarni barcha sohalar qatori noshirlik sohasiga ham tatbiq etishni taqozo etmoqda. Taklif etilayotgan Qonun loyihasi esa 7 ta mustaqil boblarga ajratilgan bo'lib, jami 34 moddadan iborat tarkibda shakllantirilgan. YA'ni, 18 ta modda bilan boyitilmoqda. Qonunda noshirlik sohasini davlat tomonidan qo'llab-quvvatlashning asoslari, noshirlik sohasining aniq sub'ektlari hamda ularning huquq va majburiyatlari, noshirlik faoliyatini litsenziyalash tartibi bekor qilinishi ortidan o'rnatilgan yangi tizim – xabardor etish orqali shug'ullanish mumkinligi kabi zamonaviy imkoniyatlar huquqiy mustahkamlab qo'yilmoqda.
Jumladan, noshirlik faoliyatini tartibga soluvchi amaldagi qonunda sohaga oid eng asosiy tushunchalar yo'q. SHu sabab, loyihada bir qator asosiy tushunchalarga ega alohida yangi modda kiritilgan. SHuningdek, zamonaviy qonunshunoslik amaliyotiga ko'ra qonunning maqsadi, asosiy printsiplar, qonunning qo'llanilish sohasi, vakolatli organlar va noshirlik sohasi sub'ektlari hamda ularning vakolatlari kabi masalalar alohida moddalarda aniq aks ettirilgan. Bundan tashqari, noshirlikda kontrafakt mahsulotlar aylanishining oldini olish, ijtimoiy ahamiyatga molik adabiyotlarga davlat tomonidan grantlar ajratish va kitob mutolaasi madaniyatini ommalashtirish mexanizmlari kabi muhim masalalar qonunda inobatga olingan.
Nashr etmoq
Rated 3.33 stars out of 5
Ombudsmanning Qoraqalpog'istondagi mintaqaviy vakili kim?
Ijtimoiy hayot2 Mart 20212483
Matn: Баҳор Хидирова
Oliy Majlisning Inson huquqlari boʻyicha vakili (ombudsman)ning Qoraqalpogʻiston Respublikasi, viloyatlar va Toshkent shahrida jami 14 ta mintaqaviy vakili boʻlib, ular insonning konstitutsiyaviy huquqlari va erkinliklariga rioya etilishini taʼminlash yuzasidan Vakilga koʻmaklashadi.
Mintaqaviy vakil oʻz faoliyati toʻgʻrisida har chorakda Ombudsmanga axborot taqdim etishi, arz qiluvchining shaxsiy hayoti toʻgʻrisidagi maʼlumotlarni, shuningdek, shikoyatlarni tekshirishga doir axborotni Vakilning ruxsatisiz va roziligisiz oshkor etmasligi shart.
Qoraqalpogʻiston Respublikasi Joʻqorgʻi Kengesining qonuniylik, sud-huquq va korrupsiyaga qarshi kurashish masalalari qoʻmitasi raisi Zuxra Reymova jamoatchilik asosida Ombudsmanning Qoraqalpogʻiston Respublikasidagi mintaqaviy vakili sifatida faoliyat yuritadi.
Mintaqaviy vakil Zuxra Reymova aholidan kelayotgan murojaatlarni koʻrib chiqishda kam taʼminlangan va ijtimoiy himoyaga muhtoj oilalar muammolarini tezkorlik bilan hal etishga harakat qiladi. Jumladan, Z.Reymovaga “Qos koʻl” MFYda hisobda turuvchi fuqaro S.P. 3 nafar farzandi va turmush oʻrtogʻi bilan ijarada turishi, turmush oʻrtogʻining ishsizligi sababli toʻlov imkoniyati cheklanganini bildirib murojaat qilgan edi. Mintaqaviy vakil murojaat egasining yashash manziliga borib, uning oilaviy sharoiti bilan tanishgach, ushbu masala yuzasidan tegishli tashkilotlarga soʻrovnoma yubordi. Qisqa muddat ichida turar-joyga muhtoj boʻlgan murojaatchi va uning oila aʼzolari vaqtincha yashaydigan ijtimoiy uyga joylashtirildi.
Shuningdek, Zuxra Reymova Nukus shahridagi 2 nafar ishsiz fuqarolarni 34-maktabga farrosh hamda Respublika endokrinologiya dispanseriga kichik tibbiy xodim sifatida ishga joylashtirishda amaliy yordam berdi. Yana 2 nafar yigit esa IT sohasidagi bilimlarini mustahkamlash va kasbga tayyorlash maqsadida Nukus kasb-hunar maktabida tashkil etilgan kompyuter savodxonligini oshirish boʻyicha 2 oylik kursga joylashtirildi.
Poyabzal taʼmirlash ustaxonasi ochish uchun joy ajratish masalasida yordam soʻragan murojaat egasi Ye.H.ga 21-kichik tuman hududidagi Beruniy koʻchasidan kichik yer ajratib berildi.
Yana bir murojaatchi N.S.ga 1 million 180 ming soʻmlik yozgi va qishki ortopedik poyabzallar sovgʻa qilindi.
Do'stlaringiz bilan baham: |
