Mavzu: Fransiyada maktabgacha ta’lim tizimi

Mavzu: Fransiyada maktabgacha ta’lim tizimi

Fransiyada yosh bolalar uchun maktabgacha ta’lim muassasasi va kindergarten mavjud. Ular odatda bolalar bog'chasini uch yoshdan boshlashadi, ammo ba'zilari ikki yoshdan boshlanadi. Biroq, Fransiyada na maktabgacha ta’lim muassasasi va na bolalar bog'chasi majburiy emas. MTM va kindergarten o'rtasidagi asosiy farq bolalarning yoshi va ularning rivojlanish qobiliyatlaridadir. Maktabgacha ta'lim muassasasiga 2 yoshdan 4 yoshgacha, kindergartenga esa 4 yoshdan 5 yoshgacha bo’lgan bolalar qabul qilinadi. MTM dasturidagi bolalar ta’lim-tarbiyasida asosiy e'tibor kindergartenga tayyorgarlik ko'rishga qaratilgan bo’ladi. Fransiyada maktabgacha ta'lim muassasalarida 3 yoshdan 6 yoshgacha bo’lgan bolalar uchun to'liq homiylik, ya’ni bepul o’qitish joriy etilgan. Yuqorida ta’kidlaganimizdek, maktabgacha tarbiya majburiy emas, ammo ishlayotgan ota-onalar bolalarini maktabgacha ta'lim muassasalariga taxminan uch yoshdan boshlab yuborishadi.

Fransuzlar ovqatni jiddiy qabul qilishadi va bu MTM larida ham aks etadi. Shuni ta'kidlash kerakki, fransuzlar tushlik vaqtiga juda jiddiy qarashadi. Fransiyadagi odamlar odatda sekinroq ovqatlanishadi. Ular kichikroq qismlarni iste'mol qiladilar va tushlikda ko'proq tanaffus qilishadi. Bu asta-sekin va yaxshi ovqatlanish madaniyatini maktabgacha yoshdagi bolalarda yaqqol ko'rish mumkin. MTM tarbiyalanuvchilarining tushlik holati 2 xil bo’lib, Ko’pchilik bolalar shu yerning o’zida ovqatlanishadi, ba’zi bolalarni esa ota-onalari tushlik payti olib ketishadi. Bunda ota-onalarning bolalar bilan birga tushlik qilishlari bola ruhiyati uchun yaxshi ta’sir qilishi nazarda tutilgan.

Kindergarten (Bolalar bog'chasi) faoliyati

Kindergartenning maqsadi - bolani mustaqil bo'lishiga yordam berish va boshqa bolalar va atrofdagi dunyo bilan o'zaro munosabatda bo'lish uchun bilim va ko'nikmalarni egallash.
Odatda o'quv haftasi 24 soatni tashkil etadi va bolalarga bir necha muhim yo'nalishlarda bilim olishga yordam beradi:
Til - ham og'zaki, ham yozma;
Nutq madaniyati;
Ularning atrofidagi dunyoni kashf etish;
Ularning tasavvurini va ijodiy qarashlarini idrok etish, his qilish va rivojlantirish.

Faoliyatlarga individual va guruh bilan ishlash, o'qitish,didaktik o'yinlar, seminarlar kiradi. Bolalarning o'sishi obyektiv standartlarga muvofiq nazorat qilinadi va o'qish qiyin bo'lgan bolalar o'qituvchilar yoki kichik guruhlarda individual yordam olishlari mumkin.

Bolalar bog'chasini tugatgandan so'ng, ular bir qator tadbirlarni bajarishlari kerak:
Boshqalarni tushunish;
Savol berish va o'z fikri, nuqtai nazarini ifoda etish;
Yozish va ularga o'qilgan matnlarni tushunishning asosiy xususiyatlarini aniqlash;
oddiy so'zlarni yozish;
Hissiyotlarni imo-ishoralar va harakatlar orqali ifodalash;
Inson tanasi, hayvonlar va o'simlik hayotini o'z ichiga olgan narsalarni tanib olish
Oddiy rejalar tuzish;
Qo'shiqlar va qofiyalarni yodlash va talqin qilish.