|
Xususiy sektorni rivojlantirish islom korporatsiyasi.
Xususiy sektorni rivojlantirish islom kor poratsiyasi (ICD) 1990 yilda tashkil etilgan.
Bugungi kunda ICD – ITB guruhiga kiruvchi serqirra tash- kilotdir. Uning hissadorlik kapitali 4 mlrd. dollarni tash- kil etadi, undan 0,24 mlrd. dollari obuna uchun ochiqdir. Obu- na va to‘langan kapital mos ravishda 1,757,234 mln. dollar va 1,047,414 mln. dollarni tashkil etadi. ICD hissadorlari ITB, 54 ta a’zo-mamlakat hamda 5 ta davlat moliyaviy muassasalari- dir. Tashkilotning shtab-qarorgohi Jidda shahrida joylash- gan.
Shariatga muvofiq xususiy sektor loyihalarini moliya- lashtirish orqali a’zo-mamlakatlar iqtisodiy rivojla- nishiga yordam berish ICD ning majburiyati hisoblanadi.
ICD ish o‘rinlari yaratish, eksportni ko‘paytirish, eksport infratuzilmalarini rivojlantirishga yo‘naltirilgan loyi- halarni moliyalashtiradi. Bundan tashqari, ICD loyihalar uchun qo‘shimcha mablag‘larni safarbar qiladi va islomiy moliyalash- tirish hamda kapital bozorining rivojlanishiga ko‘mak beradi.
U o‘zining loyihalari uchun moliyaviy hamkorlarni jalb qiladi va bozor iqtisodiyotining o‘rnini oshirish va boshqarishning ilg‘or amaliyotlari, kapital bozorini rivojlantirish, xususiy korxonalarni tashkil etish, modernizatsiyalash va kengaytirish- ni rag‘batlantirishga yo‘naltirilgan siyosat bo‘yicha xususiy sektor sub’ektlari va hukumatlarga maslahat beradi.
ICD ning asosiy vazifasi xususiy sektor iqtisodiy o‘sishi va ravnaq topishini rag‘batlantirish yo‘li orqali yo‘lboshchi sifatida ITB faoliyatini to‘ldirishdan iborat.
ICD ning qarashlari – xususiy sektorni rivojlantirish uchun ko‘p qirrali yetakchi islomiy moliya muassasasi bo‘lishdir.
ICD ning maqsadlari: – o‘sish dvigateli sifatida faoliyat ko‘rsata oladigan xusu- siy sektor imkoniyatlarini aniqlash va ularga keng miqyosdagi samarali moliyaviy mahsulotlar va xizmatlarni taqdim etish;
– xususiy sektor loyihalari uchun qo‘shimcha mablag‘larni safarbar etish; – islomiy moliyalashtirish va kapital bozori rivojlani- shiga ko‘mak berish.
ICD shariatga muvofiq keladigan biznes-mahsulot va xizmatlarning uchta to‘plamini a’zo-mamlakatlar xusu- siy sektoridagi o‘zining mijozlariga taklif etuvchi noyob qoidalarga ega. Ushbu global biznes-mahsulotlar o‘zaro bir-biriga bog‘liq va bir-birini to‘ldiruvchi hisoblanadi (8.4-rasm)
O‘zbekiston Respublikasi Prezidenti Islom taraqqiyot banki prezidentini qabul qildi
O‘zbekiston Respublikasi Prezidenti Shavkat Mirziyoyev 2-sentabr kuni Toshkent shahrida o‘tayotgan Islom taraqqiyot banki (ITB) Boshqaruvchilar kengashining 46-yillik yig‘ilishi doirasida mamlakatimizda bo‘lib turgan Islom taraqqiyot banki prezidenti Muhammad bin Sulaymon Al-Jassirni qabul qildi.
Uchrashuv avvalida ITB prezidenti davlatimiz rahbari va O‘zbekiston xalqini mamlakatimiz mustaqilligining 30 yilligi bilan samimiy qutlab, bardavom taraqqiyot, farovonlik va ravnaq tiladi.
Pandemiya boshlanganidan buyon ilk bor Bankning eng muhim tadbiri shu kunlarda poytaxtimizda jonli ravishda o‘tkazilayotgani mamnuniyat bilan qayd etildi.
Yuqori darajadagi ushbu forumda ITBga a’zo mamlakatlar hukumatlari vakillari, xalqaro tashkilotlar rahbarlari, ishbilarmon doiralar va nufuzli ekspertlar, ommaviy axborot vositalari ishtirok etmoqda. Onlayn va offlayn shakldagi tadbirlarda 4,5 ming nafarga yaqin delegat qatnashmoqda.
O‘zbekiston yetakchisi Muhammad Al-Jassirni ITB prezidenti lavozimiga saylangani bilan yana bir bor tabrikladi.
Ikki tomonlama hamkorlikni rivojlantirish masalalari yuzasidan fikr almashildi.
Davlatimiz rahbari ITB bilan sheriklikning izchil kengayib borayotganini yuksak baholab, Bank O‘zbekistondagi keng ko‘lamli islohotlarning yangi dasturini qo‘llab-quvvatlayotgani va uni ilgari surishga muhim hissa qo‘shayotganini alohida qayd etdi.
Bugungi kunda amaliy hamkorlik portfeli transport, uy-joy kommunal infratuzilma, energetika, qishloq va suv xo‘jaligi, sog‘liqni saqlash, ta’lim, tadbirkorlik va boshqa ustuvor yo‘nalishlarni qamrab olgan qiymati 2,5 milliard dollardan ortiq bo‘lgan 30 ta loyihadan iborat.
Uchrashuvda ko‘p qirrali sheriklikni kengaytirish istiqbollariga alohida e’tibor qaratildi.
Bu borada 2022-2025-yillarga mo‘ljallangan yangi hamkorlik dasturini tez fursatda qabul qilish va amalga oshirish hamda Toshkent shahrida Bankning to‘laqonli vakolatxonasini ishga tushirish, moliyalashtirish instrumentlari samaradorligini oshirish muhim ekani ta’kidlandi.
Yangi tashkil etilayotgan O‘zbekistonning iqtisodiy imkoniyatlarini kengaytirish jamg‘armasi faoliyati xususiy tadbirkorlik tashabbuslarini qo‘llab-quvvatlash, yangi ish o‘rinlarini yaratish, aholi, ayniqsa, xotin-qizlar va yoshlar farovonligini oshirish uchun samarali mexanizm bo‘lib xizmat qilishiga umid bildirildi.
O‘zbekiston va ITB o‘rtasidagi strategik sheriklik va keng ko‘lamli hamkorlikni rivojlantirish maqsadida o‘zaro yaqindan ishlash va faol muloqotlarni davom ettirishga kelishib olindi.
Do'stlaringiz bilan baham: |
