Мавзу: Кириш

1-2 маърузаларнинг киска мазмуни.
Мавзу: Кириш. Ўзгармас ток электр занжирлари.


Мавзу режаси:
1. Электр занжири ва унинг элементлари.
2. Чизиқли ва ночизиқ элементлар. ЭЮК ва ток манбалари.
3. Тармоқланган ва тармоқланмаган электр занжирлар. Ом ва Кирхгоф қонунлари. Қувватлар мувозанати.
4. Электр занжирларни ҳисоблаш усуллари.
5. Электр энергия манбалари ва истеъмолчилари.
6. Ўзгарувчан юкланишда энергия манбалари. Энергия манбаи ва истеъмолчиларининг режимлари.
7. Ўзгарувчан юкланишда ток манбаи. Манба режимлари.


Кириш. Ўзбекистонда электротехниканинг ривожланишига доир тарихий маълумотлар
1913 йилда Собиқ Туркистоннинг Ўзбекистон ҳудудига тегишли қисмидаги барча электр станцияларининг қуввати ХХ аср бошларида 3000 кВт бўлиб, жами 3,3 млн.кВт.соат электр энергия ишлаб чиқарилган, бу эса аҳоли жон бошига йилига 1 кВт.соатга тўғри келарди.
Тошкент шаҳрида дастлабки электр станция 1910 йилда қурилган (қуввати 125 кВт). 1911–1912 йилда Тошкент трамвайлари учун Белгия ҳиссадорлик жамияти қуриб ишга туширилган иссиқлик электр станция ҳар бири 290 кВт қувватли бешта ўзгармас ток генераторидан таркиб топган эди. Бу генераторларни дизел агрегатлари ҳаракатга келтиради. Жами қувват 1450 кВт (2159 от кучи) кучланиши U = 600 В.
1965 йилда барча электр станциялар қуввати" 2816,6 мВт га етди. Шундан ГЭС лар куввати 2270,5 мВт бўлиб, 9012 млрд кВт с электр энергия ишлаб чиқарди. (1940 йилга нисбатан 3674 марта кўпайди).
Ҳозирда Ўзбекистон электр станцияларининг ўрнатилган қуввати 12,3 млн. кВт.дан ортади ва бутун Марказий Осиё Бирлашган энергетика тизимидаги ишлаб чиқариш қувватларининг деярли 50 фоизини ташкил этади.
Ўзбекистон энергетика тизимининг асоси умумий қуввати 10,6 млн. кВт бўлган иссиқлик электр станцияларидир (ИЭС). Бешта йирик ИЭСда қуввати 150 дан 800 МВт гача бўлган энергоблоклар ўрнатилган. Булар Толимаржон, Сирдарё, Янги Ангрен ва Тошкент ИЭС каби йирик иссиқлик электр станциялари бўлиб, 85 фоиздан ортиқроқ электр энергиясини ишлаб чиқаради. Ҳар йили 49,5 млрд. кВт.соат электр энергияси ва 10 млн. Гкал.дан ортиқ иссиқлик энергияси ишлаб чиқарилмоқда. Республика бўйича бир йилда электр энергияси истеъмолининг солиштирма миқдори (аҳоли жон бошига) 2000 кВт.с.ни ташкил этади.
Электротехника – электр занжирларида ҳамда электромагнит майдонларида электр ва магнит энергияларининг ҳосил бўлиши ва ўзгариш қонуниятларини ўрганадиган фан ва техника соҳасидир.