Mavzu: Marketing byudjeti. Qurilish mehnat bozori marketing tushunchasi, mazmuni va mohiyati. Qurilishda mehnat bozori marketing maqsadi, vazifalari va funksiyalari. Qurilishda mehnat bozori marketingining o’ziga xos xususiyatlari

Mavzu: Marketing byudjeti. Qurilish mehnat bozori marketing tushunchasi, mazmuni va mohiyati. Qurilishda mehnat bozori marketing maqsadi, vazifalari va funksiyalari. Qurilishda mehnat bozori marketingining o’ziga xos xususiyatlari. Qurilishda mehnat bozori marketingiga ta’sir etuvchi omillar.

Bajardi: Usmonov Javlonbek
Qabul qildi: Xushvaqtov Dilshod
Tadbirlar rejasi boshqaruvchiga tegishli byudjet ishlab chiqishga imkon beradi. Bu esa o‘z navbatida foyda yoki zarar ko‘rishning oldindan qilinadigan tavqimidir. Uning tegishli "Kirim" grafasida sotilishi kutilayotgan tovarlarning miqdori va o‘rtacha bahosi ko‘rsatiladi va "CHiqim" grafasida esa ishlab chiqarish xarajatlari, tovar harakati bilan bog‘liq bo‘lgan xarajatlar va marketingga tegishli xarajatlar ko‘rsatiladi. Ushbu ikki grafaning farqi esa kutilayotgan foyda miqdorini beradi. Qurilish kompaniyasining yuqori darajadagi boshqaruvchilari taklif qilingan byudjetni diqqat bilan o‘rganib chiqib, uni tasdiqlaydi yoki tegishli o‘zgartirishlar kiritadi. Yuqorida ko‘rib chiqilgan byudjet tegishli xom-ashyo va materiallarni sotib olish uchun, ishlab chiqarish grafiklarini tuzish uchun, ishchi kuchiga bo‘lgan
talabni hisob-kitob qilish uchun va marketing tadbirlarini o‘tkazish uchun asos bo‘lib xizmat qiladi. Marketing rejasining oxirgi qismida ko‘zda tutilgan tadbirlarni amalga oshirish uchun zarur bo‘lgan nazorat ketma-ketligi keltiriladi. Ko‘pgina hollarda byudjet taqsimlanishi va tegishli maqsadlarni oylar bo‘yicha yoki kvartallar bo‘yicha yozib chiqiladi. Buning ma’nosi shundan iboratki, firma rahbari har bir vaqt oralig‘ida olingan natijalarni sarhisob qilish imkoniyatiga ega bo‘ladi va ko‘rsatilgan maqsadlarni amalga oshira olmagan bo‘linmalarni hamda ishlab chiqarish sexlarini aniqlab, tegishli ko‘rsatmalar berish va boshqarish imkoniyatiga ega bo‘ladi. Ushbu bo‘linmalar va sexlarning boshqaruvchilari tushuntirish xatlari berib, unda qo‘ldan chiqarilgan imkoniyatlarni qanday tuzatishni rejalashtirayotganliklarini ko‘rsatadilar.
Maqsadli foyda nuqtai nazaridan marketing byudjetini rejalashtirish quyidagi tartibda olib boriladi:
bozor umumiy hajmini prognozlash;
qurilish kompaniyasining bozordagi egallashi mumkin bo‘lgan qismini aniqlash
kelgusidagi sotuv hajmini prognozlash
distribyuter tomonidan o‘rnatiladigan sotuv bahosini aniqlash
mahsulotni sotishdan tushgan tushum summasini hisoblash
o‘zgaruvchan xarajatlar jami miqdorini hisoblash
yillik daromad hajmini hisoblash
doimiy xarajatlar miqdorini hisoblash
marketingga bo‘lgan xarajatlarni qoplash va foyda olish uchun sarflanadigan yalpi daromadning qismini hisoblash
maqsadli foyda miqdorini hisoblash
rejalashtirilayotgan marketing xarajatlar summasini hisoblash
marketing byudjetini bo‘lib chiqish
reklama xarajatlari va sotuvni rag‘batlantirish uchun zarur bo‘lgan xarajatlarni aniqlash
marketing tadqiqotlarini tashkil etish uchun zaruriy xarajatlar miqdorini aniqlash
Yuqorida ko‘rib o‘tilgan maqsadli foyda nuqtai-nazaridan byudjetni rejalashtirish usuli qoniqarli bo‘lgan foyda miqdorini ta’minlab bersada, har doim ham maksimal miqdorni ta’minlab bera olmaydi. Shuning uchun ham biz foyda mikdorini optimal holatga keltirish jarayonida echilishi zarur bo‘lgan muammolar va bunda ishlatiladigan usullar haqida to‘xtalib o‘tamiz.
Qurilish kompaniya boshqaruvchisidan foydani optimallashtirish sotuv hajmi va marketing kompleksining tashkil etuvchilari orasidagi bog‘likliklarni aniq va ravshan tushunishni talab qiladi. Sotuv hajmi va marketing kompleksi elementlari orasidagi bog‘liklikni ta’minlab berishda sotuv funksiyasi ko‘rib chiqiladi.
Sotuv funksiyasi berilgan vaqt oralig‘ida marketing kompleksining bir yoki bir qancha elementlari uchun amalga oshirilgan xarajatlarga mos keluvchi sotuvlar hajmining prognoz qilingan miqdorini aniqlovchi faoliyatdir. Ya’ni, sotuv funkiyasi marketing kompleksi elementlariga qilingan xarajatlar mikdori sotuv hajmini qanchaga o‘zgartirishini aniqlab beradi. Istiqbolli rivojlangan ayrim xorijiy kompaniyalarni berilgan vaqt oralig‘ida marketingga qilingan katta xarajatlar hisobiga sotuvning hajmini oshiradi. Biroq ayrim kompaniyalarni katta miqdorda marketing xarajatlarini sarflasada, juda kam miqdordagi sotuv hajmiga erishadi.