Mavzu: mashqlar

Dars turi: Yangi bilim berish o’tgan mavzuni mustahkamlash..
Darsning metodi: Noan’anviy, aqliy hujum, guruhlarda ishlash.
Darsning jihozi: darslik, rangli ko‘rgazmalar, harakatli ko‘rgazmalar, plakatlar, kitob
Darsning borishi:

T/R	Bo‘limlar	Vaqti
1	Tashkiliy qism	3 daqiqa
2	O`tgan mavzuni mustahkamlash	5 daqiqa
3	Yangi mavzu bayoni	15 daqiqa
4	Mustahkamlash	10 daqiqa
5	Baholash	10 daqiqa
6	Uyga vazifa	2 daqiqa
Jami		45 daqiqa

I. Tashkiliy qism: a) Salomlashish , davomot aniqlash, tozalikni tekshirish.
b) Ma’naviyat daqiqasini o’tkazish “ Buyuk bobolarimiz ” mavzusida suhbat o’tkazish.
c) ingliz tili daqiqasi; melon – qovun, knife – pichoq.
II. O‘tgan mavzuni so’rash va mustahkamlash: Tarqatmalar yordamida oquvchilarni darsga jalb etish. Egalik qo’shimchalarini yoddan so‘rash.
III Yangi mavzu bayoni:
112 – mashq. Matnni o’qing. Egalik qo’shimchalarining shaxs – sonini ayting.
1. Mol-u davlatingi bilan emas, ilm-u hunaringiz, go‘zal xulq-atvoringiz bilan iftixor qiling. (Abuyazid Hakim) 2. Odam bolasi – elning bolasi. 3. Ra’noga buvisining boychechak haqidagi ashulasi yoqib qoldi.
Mening Vatanim – O‘zbekiston Respublikasi.
Ko’chiring. Egalik qo’shimchasi undoshdan so’ng qo’shilgan otlarning tagiga bir, unlidan so’ng qo’shilgan otlarning tagiga ikki chiziq chizing.
Undosh tovush bilan tugagan otlarga egalik qo’shimchalari qanday shaklda qo’shiladi? Unli tovush bilan tugagan so’zlarga – chi?

113- mashq. Ko’chiring. Egalik qo’shimchasini olgan otlarni aniqlang va qo’shimchalarni tegishlicha belgilang.
1. Alisherning otasi G‘iyosiddin Kichkina adabiyotni sevardi. Ularning uyida she’rxonlik kechalari o‘tkazilardi. Shular sababli Alisher kitob bilan qattiq do‘stlashdi. (Oybek) 2. Hidi, pichoq tegar-tegmas yorilib ketishi va tilni yorar shirinligidan ona yurtim qovuni ekanligini angladim, otam bog‘idagi polizda shunaqa shakarpalak ko‘p bitardi. (Xayriddin Sultonov)
IV: Yangi mavzuni mustahkamlash
Didaktik o’yin: Guruhlarga topshiriq beriladi. 1- guruh; I shaxsda so’zlarni yozadilar..
2 – guruh; II shaxsda so’zlarni tuzadilar. 3- guruh; III shaxsda so’zlarni tuzadilar. So’zlarni tahlil etish.
O’ylang! Egalik qo’shimchasi qaysi tovush bilan tugagan otlarga qo’shilganini ayting.
V Baholash
Dars yakunida umumiy ballar e’lon qilinadi va faol, bilimdon o’quvchilar rag’batlantiriladi.