Mavzu: Muloqot va shaxslararo munosabatlar psixologiyasi. Jamiyat hayotida muloqotning tutgan o’rni

---

    Mavzu: Muloqot va shaxslararo munosabatlar 

psixologiyasi. Jamiyat hayotida muloqotning tutgan 

o’rni. 

                                           Reja: 

1. 

Muloqot-shaxslararo munosabatlarning asosiy ehtiyoji sifatida uning ijtimoiy 

mohiyati. 

2. 

Muloqotning shaxs hayotida-uning rivojlanishi va shakllanishida tutgan o’rni. 

3. 

Muloqotning darajalari, turlari, bosqichlari va funksiyalari. 

 

Tayanch tushunchalar: muloqot; ehtiyoj; munosabat; kommunikatsiya; ta’sir; 

axborot; signal; nutq; til; faoliyat.  

 

 

 

 

 

 

Shaxs  -  ijtimoiy  munosabatlar  maxsuli  deyilishining  eng  asosiy  sababi  -  uning 

doimo  insonlar  davrasida,  ular  bilan  o‘zaro  ta’sir  doirasida  bo‘lishini  anglatadi.  Bu 

shaxsning eng yetakchi va nufuzli faoliyatlaridan biri muloqot ekanligiga ishora qiladi. 

Muloqot

  faqat  insonlarga  xos  bo'lgan  jarayondir.  Insoniyat  mavjud  ekan,  insonlar  

faoliyat  jarayonida  bir-birlari  bilan  muloqotda  bo'lish  ehtiyoji  tug'iladi.  O'zaro  muloqot 

esa, tabiiyki, kishilik jamiyati vujudga kelishining eng asosiy unsuri hisoblanadi.  

Psixologik adabiyotlarda muloqot tushunchasiga odatda, ikki xil ta’rif beriladi:  

 

I. 

Muloqot — hamkorlikdagi faoliyat ehtiyoji bilan taqozolangan aloqa o'rnatish 

va uni rivojlantirish jarayoni;  

 

II.  Muloqot — belgilar tizimi orqali subyektlarning o'zaro ta’sirlashuvi.